Realme 8 Pro: రియల్ మీ 8 ప్రో, రియల్ మీ 8 ఫోన్స్ రిలీజ్ ఎప్పుడంటే..

Realme 8 Pro: రియల్‌ మీ 8 సిరీస్‌ లో స్మార్ట్ ఫోన్స్ ఇండియలో రిలీజ్ చేసే తేదీని రియల్‌ మీ సంస్థ ప్రకటించింది. రియల్‌ మీ 8, రియల్‌ మీ 8 ప్రో మార్చి 24 న లాంచ్ కానున్నాయి. రియల్‌ మీ 8 లో 64 MP క్వాడ్ కెమెరా ఉంటుందని, రియల్‌ మీ 8 ప్రో లో 108 MP కెమెరాతో రానున్నాయని కంపెనీ ధృవీకరించింది.

రియల్‌ మీ 8 సిరీస్ లాంచ్ ఈవెంట్ ను మార్చి 24 న రాత్రి 7:30 గంటలకు షెడ్యూల్ చేశారు. ట్విట్టర్, ఫేస్‌బుక్, యూట్యూబ్‌లో ప్రత్యక్ష ప్రసారం అవుతుంది. రియల్ మీ తన రాబోయే ఫోన్‌లలో అత్యాధునిక ఫీచర్లతో మార్కెట్ లోకి వస్తుందని విశ్లేషకులు భావిస్తున్నారు. రియల్‌మే 8 ప్రో స్మార్ట్‌ఫోన్‌లో ఉత్తమ కెమెరాను అందిస్తుందని తెలుస్తోంది.

రియల్ మీ 8 ప్రో 50W ఫాస్ట్ ఛార్జింగ్ సపోర్ట్‌తో వస్తుంది. స్మార్ట్ ఫోన్ నలుపు రంగులో వస్తుందని, అలాగే స్కీన్ ఫొర్పో‌రేటర్ తో రానుందని ఇన్ సైడర్ ముఖుల్ శర్మ ట్వీట్ చేశారు. రియల్‌ మీ 8 విషయానికొస్తే, ఇది పంచ్-హోల్ సెల్ఫీ కెమెరాతో సూపర్ AMOLED స్క్రీన్‌ను కలిగి ఉంటుంది. ఇది సిల్వర్, బ్లాక్ కలర్స్ లో రానుందని అన్నారు.

రెండు ఫోన్లకు సంబంధించి కొన్ని ఫీచర్లు లీక్ అయ్యాయి. రియల్‌ మీ 8 ప్రో క్వాల్కమ్ స్నాప్‌డ్రాగన్ 732 జీ ప్రాసెసర్‌తో పనిచేస్తుందని, రియల్‌ మీ 8 స్నాప్‌డ్రాగన్ 720 జీ ప్రాసెసర్‌తో రానుంది. రియల్‌ మీ 8 సిరీస్ అధిక రిఫ్రెష్ రేట్లతో డిస్ప్లేలను కలిగి ఉంటుందని తెలుస్తోంది. అలాగే 128 GB ఇంటర్నల్ మెమోరీ, 8 GB ర్యామ్‌ను కలిగి ఉంటుందని భావిస్తున్నారు.