Nitish Reddy: అసలు నితీశ్‌కు ఏమైంది? గాయంతోనే ఆడుతున్నాడా?

Nitish Reddy: ఉప్పల్ స్టేడియం ఒక్కసారిగా నిశ్శబ్దంగా మారిపోయింది. ఎలాంటి స్కోరు అయినా వెనక్కి తిప్పేస్తారని నమ్మిన ఆరెంజ్ ఆర్మీ ఫ్యాన్స్‌కి మళ్లీ అలాంటి ఓ శూన్యత కలిగింది. ఎన్నో ఆశలతో వచ్చిన అభిమానులకు మళ్లీ అదే నిరాశ ఎదురైంది. కచ్చితంగా మ్యాచ్ ముంచుకోగలడని భావించిన నితీష్ రెడ్డి ఔటవ్వడంతో అభిమానుల ఆశలు ఆవిరయ్యాయి. ఆ అవుట్ సమయంలో స్టేడియంలో వినిపించిన 'ఛా..' అనే రెస్పాన్స్ బాగా ఊహించదగ్గదే. తన ఆటతో నిరాశపరిచినందుకు తానే బాధపడ్డాడేమోనని అనిపించేలా డగౌట్ వెళ్లే సమయంలో తన హెల్మెట్‌ను కాసింత ఆగ్రహంతో విసిరాడు. ఇప్పటి వరకూ ఈ సీజన్‌లో పెద్దగా రాణించని నితీష్.. తాజా మ్యాచ్‌లో తడబడటం తనపై ఉన్న నమ్మకాన్ని తుడిచేసినట్టే అయింది.

ఇక సన్‌రైజర్స్‌కు లీగ్ దశలో ఇంకా 9 మ్యాచ్‌లు మిగిలి ఉన్నాయి. అందులో కనీసం ఏడు గెలిస్తేనే ప్లే ఆఫ్స్‌కి అర్హత ఉంటుంది. కానీ ఇప్పటి ఫామ్ చూస్తే ఆ లెక్కలు చేరువ కావడం అంత సులభం కాదు. ముఖ్యంగా బ్యాటింగ్ విభాగంలో సమన్వయం లేకపోవడం సన్‌రైజర్స్‌కి పెద్ద సమస్యగా మారింది. ముఖ్యంగా మిడిల్ ఆర్డర్‌లో నితీష్ రెడ్డి పాత్ర చాలా కీలకం. కానీ పరిస్థితులకు తగ్గట్టు ప్రదర్శన ఇవ్వలేకపోతున్నాడు. వేగంగా పరుగులు రావాల్సిన సమయంలో స్ట్రైక్‌ని రొటేట్ చేయకుండా వృథా బంతుల్ని ఎదుర్కొన్న తీరు విమర్శలకు దారి తీసింది. ఇక అవసరమన్నపుడే స్టెప్ అప్ కావాల్సిన సమయంలో అనవసర షాట్లు ఆడటం, జట్టు కోసం నిలబడలేకపోవడం మరింత నెగటివ్ వాయిద్యాన్నే నితీష్‌పై వేసింది.

పదే పదే తడబడితే ప్రెజర్ పెరుగుతుంది. ఆటలో ఆత్మవిశ్వాసం క్షీణిస్తుంది. గత ఏడాది ఐపీఎల్‌లో చెలరేగిన నితీష్‌, ఆ ప్రదర్శనతోనే టీమ్‌ ఇండియాలో చోటు దక్కించుకున్నాడు. కానీ ఈసారి అదే ఆట తీరు కనిపించకపోతే, జాతీయ జట్టులో అతడి స్థానాన్ని ఇంకొకరు ఆక్రమించేస్తే ఆశ్చర్యం లేదు. ఇక మరో కోణంలో చూస్తే, నితీష్ బౌలింగ్ చేయకపోవడంపై అనేక సందేహాలు తలెత్తుతున్నాయి. గాయం నుంచి పూర్తిగా కోలుకోలేదని సమాచారం ఉన్నా, మళ్లీ అతన్ని ఆల్‌రౌండర్‌గా ఉపయోగించకపోవడంపై కామెంట్లు వస్తున్నాయి. కేవలం బ్యాటింగ్ కోసమే అతన్ని టీంలో ఉంచాలా అనే డిబేట్ కూడా నడుస్తోంది.