Young college girl catches snake: ఇంట్లో బల్లి కనిపించినా, చిన్న బొద్దింక కనిపించినా.. మహిళలు కెవ్వున కేక పెట్టి ఇల్లంతా రచ్చరచ్చ చేయడం అనేది ఎన్నో సినిమాల్లో చూపించారు. బయట కూడా అలాంటి రియల్ సీన్స్ చూసే ఉంటారు. మరీ ముఖ్యంగా కాలేజీ విద్యార్థినులు ఎక్కువగా భయపడే మనస్తత్వంతో ఉంటారనే అభిప్రాయం ఉంది. కానీ లేడీస్ అందరూ అలానే ఉండరు. కొంతమంది బ్రేవ్ గల్స్ కూడా ఉంటారు. అందుకు నిదర్శనమే ఇదిగో ఈ వీడియో.
ఓ యువతి ఏకంగా పాముతోనే ఆటలాడింది. అదేదో బెల్ట్‌లాగా పామును నడుముకు చుట్టేసుకుంది. దీంతో ఇప్పుడీ వీడియో సోషల్‌ మీడియలో తెగ వైరల్ అవుతోంది.
వివరాల్లోకి వెళితే.. ఓ కాలేజీ ఆవరణలో ఉన్నట్లుండి పెద్ద పాము వచ్చింది. దీంతో అక్కడనున్న స్టూడెంట్స్‌ అంతా ఒక్కసారిగా చెంగున ఎగిరారు. అయితే అందులో నుంచి ఓ యువతి మాత్రం ధైర్యంగా ముందుకొచ్చింది. గడ్డి పొదల్లోకి వెళ్తున్న పామును ఇట్టే పట్టేసింది. అక్కడితో ఆగకుండా రెండు చేతులతో పామును బంధించి నడుముకు బెల్ట్‌లాగా చుట్టేసింది.
పాము బుసలు కొడుతూ యువతిని కరిచేందుకు ప్రయత్నించింది. అయినా ఆ యువతి మాత్రం వెనక్కి తగ్గలేదు. పామును ఎంచక్కా పట్టుకొని తీసుకెళ్లి పక్కకు వదిలేసింది. తొలుత ఆ యువతి స్నేక్‌ క్యాచర్‌ అయ్యిండొచ్చని అనుకున్నారు. కానీ ఆ యువతి యూనిఫామ్‌లో ఉండడంతో విద్యార్థిని అని స్పష్టమవుతోంది. దీనంతటినీ అక్కడే ఉన్న వారు వీడియో తీసి సోషల్‌ మీడియాలో పోస్ట్‌ చేశారు. ఇంకేముంది వీడియో క్షణాల్లో వైరల్‌గా మారింది. ఆ యువతి గుండె ధైర్యం చూసిన నెటిజన్లు వావ్‌ అంటూ కామెంట్స్‌ చేస్తున్నారు. మరికొందరైతే కచ్చితంగా ఆ యువతికి పాములు పట్టుకునే అనుభవం ఉండి ఉండొచ్చని అభిప్రాయపడుతున్నారు.