Viral Video: రైలుపై పరుగు పెట్టిన మహిళ.. నెట్టింట వైరల్‌ అవుతోన్న వీడియో

Viral Video: ఎక్కడ ఏ వింత జరిగినా క్షణాల్లో వైరల్‌ అవుతోంది. సోషల్‌ మీడియా అందుబాటులోకి వచ్చిన తర్వాత ఇలాంటి వీడియోలు తెగ వైరల్‌ అవుతున్నాయి. ఇందులో కొన్ని ఆశ్చర్యానికి గురి చేస్తుంటే మరికొన్ని పిచ్చికి పరాకాష్టగా మారుతుంటాయి. తాజాగా ఇలాంటి ఓ వీడియోనే సోషల్‌ మీడియాలో తెగ ట్రెండ్‌ అవుతోంది. ఇంతకీ ఏంటా వీడియో.? ఎందుకంతా వైరల్‌ అవుతుందో ఇప్పుడు తెలుసుకుందాం.

ఓ యువతి రైలు పైకి ఎక్కింది. అయితే ఆ రైలు పరిగెడుతుండడం గమనార్హం. వేగంగా పరిగెడుతోన్న రైలుపై యువతి అంతే వేగంగా పరుగులు పెట్టింది. రెండు బోగీల మధ్య గ్యాప్‌ రాగానే జంప్‌ చేసింది. దీనంతటినీ అక్కడే ఉన్న కొందరు వ్యక్తులు స్మార్ట్ ఫోన్‌లో చిత్రీకరించి సోషల్‌ మీడియాలో పోస్ట్‌ చేశారు. దీంతో ఈ ఫోన్‌ నెట్టింట వైరల్‌ అవుతోంది. ఈ వీడియో చూసిన నెటిజన్లు రకరకాలుగా కామెంట్స్‌ చేస్తున్నారు.

అయితే వీడియో గమనిస్తే ఆ యువతికి మతి స్థిమితం సరిగా లేనట్లు స్పష్టమవుతోంది. ఏమాత్రం పట్టుతప్పినా యువతి ప్రాణాలే పోయేవి. కానీ వీడియో పూర్తయ్యేంత సేపు ఆ యువతి భద్రంగానే ఉంది. ఈ సంఘటన బంగ్లాదేశ్‌లో జరిగినట్లు తెలుస్తోంది. బంగ్లాదేవ్‌ వెర్షన్‌ సబ్‌వే సర్ఫ్‌ అనే ఫన్నీ క్యాప్షన్‌తో వీడియోను పోస్ట్‌ చేశారు. కానీ నిజానికి ఈ వీడియో చాలా ప్రమాదకరంగా ఉంది. ఒకవేళ ఆ ట్రైన్‌ ఎలక్ట్రిక్‌ అయ్యుంటే మరింత ప్రమాదం జరిగేది అంటూ నెటిజన్లు కామెంట్స్‌ చేస్తున్నారు. ఇంతకీ ఆ యువతి ఎవరు.? ఎందుకలా చేసిందన్న వివరాలు మాత్రం తెలియరాలేదు. మొత్తం మీద ఈ వీడియో నెట్టింట తెగ చక్కర్లు కొడుతోంది.