Viral: మీ రీల్స్‌ పిచ్చి తగలెయ్యా.. మరీ ఇంతనా.? వైరల్‌ వీడియో..

Viral Video: ఎలాగైనా ఫేమస్‌ అవ్వాలి.? నెట్టింట ట్రెండింగ్‌లో ఉండాలి. ఇప్పుడు చాలా మంది ఆలోచన ఇదే. ఇందుకోసం ఎంత రిస్క్‌ అయినా తీసుకుంటున్నారు. ఎంతకైనా తెగిస్తున్నారు. చివరికి ప్రాణాలను సైతం పణంగా పెడుతున్నారు. ఇలాంటి ఎన్నో రకాల వీడియోలు రోజూ సోషల్‌ మీడియాలో వైరల్‌ అవుతూనే ఉన్నాయి. తాజాగా ఇలాంటి ఓ వీడియోనే నెట్టింట తెగ వైరల్‌ అవుతోంది.

ఓ మహిళ రైల్వే స్టేషన్‌లో ఉండే మెట్లపై రీల్స్‌ చేసేందుకు ప్రయత్నించింది. అయితే అంతలోనే ఒక్కసారిగా మెట్లపై నుంచి కిందికి జర్రుమని జారుకుంటూ వచ్చేసింది. దీంతో అక్కడే ఉన్న కొంతమంది ఆమెను కాపాడేందుకు యత్నించారు. కానీ కింద పడింది. అయితే వెంటనే తేరుకున్న ఆ యువతి సిగ్గుపడుతూ, నవ్వుతూ కనిపించింది. దీనంతటినీ అక్కడే ఉన్న ఓ వ్యక్తి స్మార్ట్‌ ఫోన్‌లో చిత్రీకరించారు. దీంతో ఆమె మెట్లపై నుంచి కావాలనే పడిందన్న విషయం స్పష్టం అయ్యింది. అయితే లక్కీగా ఎలాంటి గాయాలు లేకుండా బయటపడడంతో అక్కడనున్న వారంతా ఊపిరి పీల్చుకున్నారు.

ఈ వీడియోను సోషల్‌ మీడియాలో పోస్ట్ చేయడంతో వీడియో కాస్త తెగ వైరల్‌ అవుతోంది. ఈ వీడియో చూసిన నెటిజన్లు అమ్మాయిపై ఓ రేంజ్‌లో ఫైర్‌ అవుతున్నారు. లైక్స్ కోసం ప్రాణాలు కూడా లెక్క చేయరా అంటూ మండిపడుతున్నారు. ఈ వీడియోను మనోజ్‌ శర్మ అనే ఎక్స్‌ ఖాతాలో పోస్ట్‌ చేశారు. ఈ వీడియోతో పాటు.. ఆయన 'కొందరు చేసే పనుల కారణంగా నిజంగా ఆపదలో ఉన్న వారికి సహాయం చేయడానికి వెనుకాడుతారు' అని రాసుకొచ్చాడు.