Viral: చూడ్డానికి అందంగా ఉన్న యువతి.. చేసిన పని చూస్తే మాత్రం దడా పుట్టాల్సిందే..!

Viral: సోషల్‌ మీడియా విస్తృతి పెరిగిన తర్వాత ఎప్పుడు, ఏ వీడియో ఎలా వైరల్‌ అవుతుందో తెలియని పరిస్థితి ఉంది. ముఖ్యంగా అందమైన యువతులకు, పాములకు సంబంధించిన వీడియోలు ఇట్టే ట్రెండ్‌ అవుతుంటాయి. మరి ఆ రెండు ఒకే చోట కలిసి ఉంటే ఇక ఆ వీడియో ఎంతగా వైరల్ అవుతుందో ప్రత్యేకంగా చెప్పాల్సిన పనిలేదు కదూ! తాజాగా సోషల్‌ మీడియాలో అలాంటి ఓ వీడియోనే వైరల్‌ అవుతోంది.

ఓ అందమైన అమ్మాయి పాముతో చేసిన ఫీట్స్‌కు సంబంధించిన వీడయో నెటిజన్లను తెగ ఆకట్టుకుంటోంది. ‘సైబా’ అనే ఇన్‌స్టాగ్రామ్‌ అకౌంట్‌లో ‘రాట్ స్నేక్ రెస్య్కూ’ క్యాప్షన్‌తో ఈ వీడియోను పోస్ట్ చేశారు. ఈ వీడియోలో చీర కట్టులో ఉన్న ఓ యువతి ఇంట్లోకి దూరిన ఓ భారీ పామును బయటకు తీసుకొచ్చింది. చేతికి ఎలాంటి గ్లౌజులు లేకుండా, అసలు ఎలాంటి బెదురు లేకుండా పామును ఎంచక్కా పట్టుకుంది.

అనంతరం పామును ఓ సంచిలో వేసుకొని వెళ్లి ఊరి బయట అటవీ ప్రాంతానికి తీసుకెళ్లి పామును పొదల్లోకి వదిలేసిది. ఇదంతా అక్కడే ఉన్న వారు కెమెరాలో రికార్డ్‌ చేసి సోషల్‌ మీడియాలో పోస్ట్ చేశారు. దీంతో ఈ వీడియో కాస్త తెగ వైరల్‌ అవుతోంది. ఓవైపు ఆ యువతి చూపిన ధైర్యానికి నెటిజన్లు షాక్‌ అవుతుంటే మరో వైపు ఆ యువతి అందానికి మరికొందరు ఫిదా అవుతున్నారు. బ్యూటీ విత్‌ బ్రేవ్‌ అంటూ కామెంట్స్ చేస్తున్నారు. ఏది ఏమైనా యువతి తన ధైర్యంతో పాటు అందంతో కూడా నెటిజన్లను మెస్మరైజ్‌ చేస్తోంది.

ఇక పామును ఎంతో సరదాగా, క్యాజువల్‌గా పట్టుకున్న తీరు చూసిన కొందరు ఈ యువతికి అసలు ఇంత ధైర్యం ఎలా వచ్చిందంటూ కామెంట్స్‌ చేస్తున్నారు. ఇక ఆ యువతి పక్కాగా ప్రొఫెషనల్‌ స్నేక్‌ క్యాచర్‌ అని వీడియో చూస్తే స్పష్టమవుతోది. ఈ వీడియో పోస్ట్ చేసిన కొద్ది సమయంలోనే లక్షల లైక్స్‌ రావడం విశేషం.