India Unique Village: కిచెన్ ఓ దేశంలో, బెడ్ రూం మరో దేశంలో.. భారత్‌లో వింత గ్రామం ఇదే.. చూస్తే పరేషానే

Longwa Village Nagaland: భారతదేశంలో చాలా ప్రత్యేకమైన గ్రామాలు ఉన్నాయి. కానీ నాగాలాండ్‌లోని మోన్ జిల్లాలో ఉన్న లాంగ్వా గ్రామం వాటన్నింటికీ భిన్నమైనది. ఈ గ్రామం భారతదేశం, మయన్మార్ సరిహద్దులో ఉంది. ఇక్కడ ప్రజలు ఒక దేశంలో ఆహారం తింటారు. మరొక దేశంలో నిద్రించడం ఇక్కడ ప్రత్యేకత.

గ్రామంలోని చాలా ఇళ్ల పరిస్థితి ఒక భాగం భారత్‌లో ఉండగా, మరో భాగం మయన్మార్‌లో ఉంది. ఆసక్తికరమైన విషయమేమిటంటే, ఇక్కడి గ్రామస్థులకు సరిహద్దు దాటడానికి ఎలాంటి వీసా అవసరం లేదు. రెండు దేశాల మధ్య స్వేచ్ఛగా వెళ్లవచ్చు.

లాంగ్వా గ్రామం నాగాలాండ్‌లోని అతిపెద్ద గ్రామాలలో ఒకటి. ఇది మయన్మార్‌తో సరిహద్దుకు ఆనుకుని ఉన్న భారతదేశంలోని చివరి గ్రామం. క్రూర స్వభావానికి ప్రసిద్ధి చెందిన కొన్యాక్ గిరిజనులు ఇక్కడ నివసిస్తున్నారు. ఈ గిరిజనులు కొన్నిసార్లు తమ భూమిని, వంశాన్ని రక్షించుకోవడానికి పొరుగు గ్రామాలతో పోరాడేవారు.

మయన్మార్ సైన్యంలో లాంగ్వా గ్రామానికి చెందిన చాలా మంది ప్రజలు కూడా ఉన్నారు. వాస్తవానికి, మయన్మార్ వైపు దాదాపు 27 కొన్యాక్ గ్రామాలు ఉన్నాయి. ఇక్కడ కొంతమంది మయన్మార్ సైన్యంలో పనిచేస్తున్నారు.

'ది ఆంగ్'గా పిలువబడే లాంగ్వా గ్రామం వంశపారంపర్య అధిపతికి 60 మంది భార్యలు ఉన్నారు. అతని ప్రభావం మయన్మార్, అరుణాచల్ ప్రదేశ్‌లోని 70కి పైగా గ్రామాలకు విస్తరించింది. మయన్మార్ నుంచి సీమాంతర స్మగ్లింగ్ ద్వారా ఇక్కడ నల్లమందు వినియోగం ఎక్కువగా ఉందని కూడా చెబుతారు.

లాంగ్వా గ్రామం దాని ప్రత్యేకతకు మాత్రమే కాదు, పర్యాటకానికి కూడా ఇది గొప్ప ప్రదేశం. ఇక్కడ ప్రశాంతమైన లోయలు, పచ్చదనం పర్యాటకుల హృదయాలను గెలుచుకుంటుంది.

ప్రకృతిలో అద్భుతమైన దృశ్యాలతో పాటు, డోయాంగ్ నది, షిల్లోయ్ సరస్సు, నాగాలాండ్ సైన్స్ సెంటర్, హాంకాంగ్ మార్కెట్ వంటి పర్యాటక ప్రదేశాలు కూడా ఈ ప్రాంతంలో ఆకర్షణకు కేంద్రంగా ఉన్నాయి. లాంగ్వా గ్రామం మోన్ నగరం నుంచి 42 కిలోమీటర్ల దూరంలో ఉంది. ఇక్కడకు చేరుకోవడానికి కారును కూడా అద్దెకు తీసుకోవచ్చు.