Eknath Shinde Reaction: మహారాష్ట్రకు కాబోయే సీఎం ఎవరు? ఏక్‌నాథ్ షిండే ఏం చెబుతున్నారంటే..

Eknath Shinde about who will be the Maharashtra next CM: మహారాష్ట్ర ఎన్నికల ఫలితాలపై సీఎం ఏక్ నాథ్ షిండే స్పందించారు. మహారాష్ట్రలో అధికారంలో ఉన్న మహయుతి కూటమి సర్కారు సామాన్యుల సర్కారు అని అన్నారు. అందుకే జనం మరోసారి మహాయుతి సర్కారుకే పట్టం కట్టారని షిండే అభిప్రాయపడ్డారు. ఉప ముఖ్యమంత్రులు దేవేంద్ర ఫడ్నవిస్, అజిత్ పవార్ అందరం ఒక టీమ్ తరహాలో ఏర్పడి కలిసి పనిచేశామన్నారు. ఎన్నికల్లో విజయం కోసం అందరం కష్టపడ్డాం అని తెలిపారు. మహాయుతి కూటమి విజయం కోసం పనిచేసిన ప్రతీ ఒక్కరికీ ధన్యవాదాలు తెలిపారు. కేంద్రం వైపు నుండి ప్రధాని మోదీ, కేంద్ర హోంశాఖ మంత్రి అమిత్ షా, జేపి నడ్డా ఎంతో మద్దతు ఇచ్చారు అని అన్నారు.

మహారాష్ట్రకు కాబోయే సీఎం ఎవరు అని మీడియా అడిగిన ప్రశ్నకు ఏక్‌నాథ్ షిండే సమాధానం ఇచ్చారు. ఎన్నికల ఫలితాలు పూర్తిస్థాయిలో వచ్చాకా మూడు పార్టీల నేతలం కలిసి కూర్చుని మాట్లాడుకుంటాం అని అన్నారు. నిర్ణయం ఏదైనా సమిష్టిగా కలిసి చర్చించి తీసుకుంటాం అని ఏక్‌నాథ్ షిండే బదులిచ్చారు.