మెగా హీరోల జాబితా ఇప్పుడు మరొక పేరు చేరనుంది. హీరో సాయిధ‌ర‌మ్ తేజ్ త‌మ్ముడు వైష్ణ‌వ్‌ తేజ్ ఇప్పుడు టాలీవుడ్ లో హీరోగా పరిచయం కానున్నాడు. కొత్త దర్శకుడు బుచ్చిబాబు సానా ఈ సినిమాకు దర్శకత్వం వహిస్తున్నారు. మైత్రీ మూవీ మేకర్స్‌, సుకుమార్‌ రైటింగ్స్‌ సంయుక్తంగా ఈ చిత్రాన్ని నిర్మిస్తున్నాయి. రియాలిస్టిక్ ప్రేమ కథ గా ప్రేక్షకుల ముందుకు రాబోతున్న ఈ చిత్రం బెస్తవాళ్ల బ్యాక్ డ్రాప్ లో ఉంటుందని సమాచారం.
అంతే కాక, ఈ సినిమాలో విలన్ రోల్ చాలా పవర్ఫుల్ గా ఉంటుందట. ఆ పాత్ర కోసం కోలీవుడ్ బాక్స్ ఆఫీసు వద్ద హిట్ల వర్షం కురిపిస్తున్న విజయ్ సేతుపతి ని సంప్రదించగా విజయ్ కూడా ఒప్పుకునట్టు తెలుస్తోంది. రాక్ స్టార్ దేవి శ్రీ ప్రసాద్ ఈ సినిమాకి సంగీతం అందిస్తున్నారు. శ్యామ్ దత్ ఈ సినిమాకి సినిమాటోగ్రఫీ బాధ్యతలను నిర్వహించనున్నారు. విజయ్ సేతుపతి చిరు తో 'సై రా' లో కూడా నటిస్తున్న సంగతి తెలిసిందే. ఇప్పుడు మరొక మెగా హీరో కోసం కోలీవుడ్ హీరో విలన్ గా మారనున్నాడు అన్నమాట.