Bigg Boss 8 Telugu: మరో ఎలిమినేషన్‌కు సర్వం సిద్ధం.. ఇంట్రెస్టింగ్‌గా నామినేషన్‌ ప్రాసెస్‌

Bigg Boss 8 Telugu: బిగ్‌బాస్ హౌజ్‌ (Bigg Boss house) నుంచి మరో కంటెస్టెంట్‌ ఎలిమినేట్‌ (elimination) అయ్యేందుకు ప్రక్రియమొదలైంది. 12వ వారానికి సంబంధించి యష్మీ హౌజ్‌ నుంచి వెళ్లిపోయిన విషయం తెలిసిందే. అయితే తాజాగా మరో 13వ వారం ఎలిమినేషన్‌కు సంబంధించిన ప్రక్రియను మొదలు పెట్టారు. ఇందులో భాగంగానే సోమవారం జరిగిన ఎపిసోడ్‌లో నామినేషన్స్‌ జరిగాయి.

13వారం నామినేషన్స్‌ ప్రక్రియను బిగ్‌బాస్ (Bigg Boss) భిన్నంగా నిర్వహించాడు. గతంలో ఎన్నడూ లేని విధంగా సాఫీగా నామినేషన్స్‌ పూర్తయ్యాయి. నామినేషన్స్‌ ప్రక్రియలో భాగంగా ఒక్కో సభ్యుడు ఇద్దరు హౌస్‌మేట్స్‌ని నామినేట్ చేయాల్సి ఉంటుంది. ఇందులో భాగంగా పృథ్వీ ముందుగా అవినాష్‌ని నామినేట్ చేశాడు. ఇక రెండో నామినేషన్‌ గౌతమ్‌కి వేశాడు.

అయితే వీరిద్దరి మధ్య ఆసక్తికరమైన సన్నివేశం జరిగింది. గత వారం డిస్కషన్‌లో ఏం పీకలేవు నువ్వు అని నన్ను అనడం నాకు నచ్చలేదు.. అలానే వైల్డ్ కార్డ్ ఎంట్రీలను మేము తరిమేయాలనుకున్నామని మీరు చెప్పడం కూడా నాకు నచ్చలేదంటూ పృథ్వీ అన్నాడు. అలానే ఫేస్ టూ ఫేస్ మాట్లాడకుండా కెమెరాల వైపు చూసి మాట్లాడుతున్నారు అది కూడా నచ్చలేదు అంటూ పృథ్వీ పాయింట్లు చెప్పాడు.. అయితే గౌతమ్‌ సైలెంట్‌గా ఉండడం విశేషం.

అనంతరం బుగ్గ గిల్లిపో అనతాగే.. పృథ్వీ కూడా గౌతమ్ బుగ్గ గిల్లి నవ్వుకున్నాడు. ఇలా వీరిద్దరి మధ్య జరిగిన సీన్‌ ప్రేక్షకులను ఆకట్టుకుంది. ఇదిలా ఉంటే ఈరోజు ఎపిసోడ్‌ బిగ్‌బాస్‌ పాత సీజన్‌ కంటెంస్టెంట్స్‌ అయిన అఖిల్‌, హారికలు బిగ్‌బాస్‌ హౌజ్‌లోకి గెస్ట్‌లుగా ఎంట్రీ ఇచ్చారు. టికెట్‌ 2 ఫినాలే పొంది మొదటి ఫైనలిస్ట్‌ అయ్యేందుకు జరిగే పోటీ కోసం కంటెండర్‌ను ఎంపిక చేసే బాధ్యతను వారికి అప్పగించాడు. ఈ క్రమంలో హౌజ్‌మేట్స్‌కు బిగ్‌బాస్‌ ఓ టాస్క్‌ అందించాడు. ఈ టాస్క్‌లో ఎవరు గెలిచారు చివరిగా ఎవరు గెలుపొందారు. లాంటి వివరాలు తెలియాలంటే ఈరోజు ఎపిసోడ్‌ చూడాల్సిందే.