కల్కిలో రౌడీ హీరో..? విజయ్‌ కనిపించేది ఆ పాత్రలోనేనా.?

Kalki: ప్రస్తుతం అందరి దృష్టి కల్కి సినిమాపైనే ఉంది. ఒక్క తెలుగు ప్రేక్షకులు మాత్రమే కాకుండా యావత్‌ ఇండియన్‌ సినిమా ఇండస్ట్రీ మొత్తం కల్కి సినిమా విడుదల కోసం వేయి కళ్లతో ఎదురు చూస్తోంది. ఇప్పటి వరకు ఇండియన్‌ సినిమా ఇండస్ట్రీలో ఎప్పుడూ కనివినీ ఎరగని విజువల్‌ వండర్‌గా ఈ సినిమాను తెరకెక్కించారు.

ప్రభాస్‌ హీరోగా నాగ అశ్విన్ దర్శకత్వంలో అత్యంత భారీ బడ్జెట్‌తో తెరకెక్కిన ఈసినిమాపై ఊహకందని అంచనాలు ఏర్పడ్డాయి. పురాణాలకు ఆధునికతను జోడించి నాగ అశ్విన్‌ తీసిన ఈ సినిమా ఇండియన్‌ బాక్సాఫీస్‌ వద్ద భారీ విజయాన్ని నమోదు చేయడంలో ఎలాంటి సందేహం లేదని మేకర్స్‌ ధీమా వ్యక్తం చేస్తున్నారు. ఇప్పటికే ఈ సినిమాకు సంబంధించి విడుదలైన రెండు ట్రైలర్‌లు సినిమాపై అంచనాలను ఒక్కసారిగా ఆకాశాన్ని అంటేలా చేశాయి.

ఇదిలా ఉంటే సినిమాకు సంబంధించి విడుదలైన రెండో ట్రైలర్‌ మరింత క్యూరియాసిటీని పెంచేసింది. ప్రస్తుతం ఈ ట్రైలర్‌ యూట్యూబ్‌లో రచ్చ చేస్తోంది. ఇదిలా ఉంటే ఈ సినిమాకు సంబంధించి ఓ రూమర్‌ ప్రస్తుతం నెట్టింట తెగ వైరల్‌ అవుతోంది. ఈ రూమర్‌ ప్రకారం కల్కిలో రౌడీ హీరో విజయ్‌ దేవరకొండ నటిస్తున్నట్లు తెలుస్తోంది. అశ్వథామను ఎదుర్కొనే పాత్రలో విజయ్‌ కనిపించబోతున్నారనేది సదరు రూమర్ సారంశం. అయితే దీనిపై చిత్ర యూనిట్ ఇప్పటి వరకు ఎలాంటి క్లారిటీ ఇవ్వలేదు. మరి విడుదల తేదీ దగ్గరపడుతోన్న క్రమంలోనైనా చిత్ర యూనిట్ దీనిపై క్లారిటీ ఇస్తుందా.? లేదా ఇలాగే సస్పెన్స్‌ను కొనసాగిస్తుందో చూడాలి.