Bigg Boss 4 Promo : సరికొత్తగా బిగ్‌బాస్‌ 4 ప్రోమో.. ఇంతకి ఆ గోపి ఎవరు?

Bigg Boss 4 Promo : నార్త్ లో బాగా పాపులర్ అయిన బిగ్ బాస్ షో ఇప్పుడు సౌత్ లో కూడా మంచి క్రేజ్ సంపాదించుకుంటుంది. ఇప్పటికే తెలుగులో విజయవంతంగా మూడు సీజన్స్ ని పూర్తి చేసుకుంది. ఇప్పుడు నాలుగో సీజన్ కి సిద్దం అవుతుంది. తాజాగా బిగ్ బాస్ అభిమానులకి స్టార్ మా ఆఫీషియల్ గా సీజన్ నాలుగుకి సంబంధించిన లోగోను రిలీజ్ చేసింది. ఇక గత సీజన్ కి హోస్ట్ గా చేసిన నాగార్జననే ఈ సీజన్ కి కూడా హోస్ట్ గా చేస్తున్నారు. ఇప్పటికే షోకి సంబంధించిన యాడ్ లో పాల్గొన ఫోటోలు సోషల్ మీడియాలో వైరల్ గా మారాయి..

ఇక సీజన్‌కి సంబంధించిన మరో ప్రోమోను విడుదల చేసింది స్టార్ మా.. ఈ ప్రోమోలో కింగ్ నాగార్జున ఓల్డ్‌ లుక్‌లో ఒక బయోస్కోప్‌ పట్టుకొని ముసి ముసి నవ్వులు నవ్వుకుంటూ గోపి అని పిలుస్తారు. తర్వాత ఏం జరిగిందో తెలుసా అంటూ ప్రోమో ముగుస్తుంది. దీనితో గోపి ఎవరు అన్న ఆసక్తి అందరిలో నెలకొంది..ఈసారి బిగ్‌బాస్‌ తీసుకురాబోతున్న ఈ కొత్త క్యారెక్టర్‌ ఎవరు సందేహం అందరిని ఆలోచింపజేస్తుంది.

గత సీజన్ లో నాగార్జున పండు అంటూ ఒక కోతి బొమ్మను వేలుకు పెట్టుకొని చాలా విషయాలు దాని ద్వారా చెప్పేవారు. ఆ తర్వాత ఆ బొమ్మ చాలా పాపులర్ అయింది. ఇప్పడు అదే తరహలో గోపి అనే ఓ కొత్త క్యారెక్టర్ ని డిజైన్ చేస్తున్నారా అన్న ఆత్రుత మొదలైంది. దీనిపైన క్లారిటీ రావాలంటే మరికొన్ని రోజులు ఆగాల్సిందే మరి..

ప్రస్తుతం కంటెస్టెంట్ లను ఎంపిక చేసే పనిలో ఉన్నారు. చూస్తుంటే మరో రెండు మూడు వారాలలో షో మొదలయ్యే ఛాన్స్ ఉంది. ఇక ఈ షోలో పాల్గొనేవారు కొన్ని రోజుల ముందే హౌస్ లోకి ఎంట్రి ఇవ్వాలని తెలుస్తోంది. అక్కడ వైద్యుల పర్యవేక్షణలో కొన్ని రోజులు ఉండాలని నిర్వాహకులు నిబంధనలు పెట్టినట్టుగా సమాచారం.