Karthikeya 3: కార్తీకేయ 3 పై ఇంట్రస్టింగ్ అప్ డేట్ ఇచ్చిన హీరో నిఖిల్ ... !

Karthikeya 3: యంగ్ హీరో నిఖిల్ సిద్ధార్థ్ వరుస సూపర్ హిట్ సినిమాలతో కెరీర్ లో ముందుకు దూసుకుపోతున్న సంగతి తెలిసిందే. "కార్తికేయ 2" తో ఈ మధ్య నే భారీ విజయాన్ని తన ఖాతాలో వేసుకున్న నిఖిల్ తాజాగా ఇప్పుడు "18 పేజెస్" సినిమాతో ప్రేక్షకుల ముందుకి వచ్చాడు. అనుపమ పరమేశ్వరన్ హీరోయిన్ గా నటించిన ఈ సినిమా ఒక ఎమోషనల్ లవ్ స్టోరీ గా తెరకెక్కింది.

"కుమారి 21ఎఫ్" ఫేమ్ సూర్య ప్రతాప్ పల్నాటి దర్శకత్వం వహించిన ఈ సినిమా డిసెంబర్ 23న థియేటర్లలో విడుదలై మొదటి రోజు నుంచి ప్రేక్షకుల నుండి మంచి రెస్పాన్స్ అందుకుని. ఇక అభిమానులు అందరూ నిఖిల్ తదుపరి సినిమాల గురించి ఆసక్తిగా ఎదురుచూస్తున్నారు. అందులో "కార్తికేయ 2" కి సీక్వెల్ అయిన "కార్తికేయ 3" కూడా ఒకటి అని ప్రత్యేకంగా చెప్పాల్సిన అవసరం లేదు. "కార్తికేయ 2" సినిమా క్లైమాక్స్ లోనే సినిమాకి సీక్వెల్ కూడా ఉంటుందని దర్శక నిర్మాతలు హింట్ ఇచ్చిన సంగతి తెలిసిందే.

ప్రస్తుతం నిఖిల్ 18 పేజెస్ సినిమా ప్రమోషన్ కార్యక్రమాల్లో బిజీగా ఉన్నాడు. తాజాగా ట్విట్టర్ లో ఒక అభిమాని అన్న కార్తికేయ 3 ఉంటుందా అని ప్రశ్నించగా దీనికి సమాధానంగా నిఖిల్ తప్పకుండా ఉంటుందని క్లారిటీ ఇచ్చారు. ఈసారి మూడవ భాగంలో అగ్ని అన్నట్లుగా ఫైర్ ఇమేజ్ ని కూడా షేర్ చేశారు. ఇక కార్తికేయ 3 కోసం అద్భుతమైన పాయింట్ ను కూడా చందూ మొండేటి చెప్పారట. "కార్తికేయ 2" సినిమా కి హిందీలో కూడా అనూహ్యస్పందన లభించింది. కాబట్టి కార్తికేయ 3 సినిమాకి హిందీలో కూడా మంచి క్రేజ్ లభిస్తుందని చెప్పవచ్చు.