Bigg boss 8 telugu: బిగ్‌బాస్‌ మరో కొత్త ట్విస్ట్.. ఊహకందని విధంగా వచ్చేవారం నామినేషన్‌ ప్రక్రియ
అందరూ అనుకున్నట్లుగానే, సోషల్‌ మీడియాలో జరిగిన చర్చ ప్రకారంగానే ఈవారం బిగ్‌బాస్‌ ఎలాంటి ఎలిమినేషన్‌ లేకుండానే ముగిసింది. ఈవారం కంటెస్టెంట్స్‌ ఎలిమినేషన్‌ నుంచి తప్పించుకున్నారు. ఈ వారం నామినేషన్స్‌లో టేస్టీ తేజ, గౌతమ్‌, యష్మి, పృథ్వీ, అవినాష్‌, విష్ణు ప్రియలు ఉండగా. ప్రేక్షకుల నుంచి అతి తక్కువ ఓట్లు వచ్చిన కారణంగా టేస్టీ తేజ, అవినాష్‌లు చివరి వరకూ నామినేషన్స్‌లో కొనసాగారు.
అయితే ఈ వారం అవినాష్‌ ఎలిమినేట్‌ కావాల్సి ఉండగా నబీల్‌ తన దగ్గర ఉన్న ఎవిక్షన్‌ షీల్డ్‌తో అవినాష్‌న్‌ సేవ్‌ చేశారు. టేస్టీ తేజ, అవినాష్‌లో ఎవరి కోసమైనా నువ్వు గెలుచుకున్న ఎవిక్షన్‌ షీల్డ్‌ ఇస్తావా? లేక నువ్వే ఉపయోగించుకుంటావా అని నబీల్‌ను నాగార్జున అడగ్గా.. షీల్డ్‌ గెలుచుకోవడంతో అవినాష్‌ కూడా ముఖ్యపాత్ర పోషించాడు. అందుకే అతని కోసం వాడతానని నబీల్‌ చెప్పాడు. తన నిర్ణయాన్ని మరోసారి పునః పరిశీలించుకోవాలని సమయం ఇచ్చినా, నబీల్‌ మాత్రం వెనక్కి తగ్గలేదు.
దీంతో తక్కువ ఓట్లు వచ్చిన అవినాష్‌ సేఫ్‌ అయ్యాడు. అయితే టేస్టీ తేజను ఎలిమినేట్‌ చేస్తారని అంతా అనుకున్నారు. కానీ టేస్టీ తేజను కూడా ఎలిమినేట్‌ చేయడం లేదని నాగార్జున ప్రకటించాడు. దీంతో ఇలా ఈ వారం ముగిసింది. దీంతో అవినాష్‌, టేస్టీ తేజ ఫ్యాన్స్‌ ఫుల్‌ ఖుషీ అయ్యారు.
వచ్చే వారం మరో ట్విస్ట్..
ఇదిలా ఉంటే వచ్చే వారానికి సంబంధించి కూడా బిగ్‌బాస్‌ మరో ట్విస్ట్ ఇచ్చారు. ముందు నుంచి చెప్తున్నట్లుగానే 8వ సీజన్‌ను కొత్తగా ప్లాన్‌ చేశారు. ఇందులో భాగంగానే ఈ వారం నామినేషన్స్‌ ప్రక్రియను విభిన్నంగా నిర్వహిస్తున్నారు. సీజన్‌-8 నుంచి ఇప్పటి వరకు ఎలిమినేట్‌ అయిన హౌస్‌మేట్స్‌ను తీసుకొచ్చి, వాళ్లతో తగిన కారణాలు చెప్పించి హౌస్‌లో ఉన్న ఇద్దరిని నామినేట్‌ చేయనున్నారు. వారిలో ఎవరికి ఓట్లు తక్కువగా వస్తే వారు హౌజ్‌ నుంచి వెళ్లిపోతారు. మరి ఈ ప్రక్రియ ఎలా ఉంటుంది.? ఎవరెవరు ఎవరిని నామినేట్‌ చేస్తారనేది ఆసక్తిగా మారింది.