వరుసగా రెండు డిజాస్టర్ లను అందుకున్న నాచురల్ స్టార్ నాని ఎట్టకేలకు 'జెర్సీ' సినిమాతో మంచి విజయాన్ని అందుకున్నాడు. ఇక త్వరలో 'గ్యాంగ్ లీడర్' అనే సినిమాతో ప్రేక్షకుల ముందుకు రాబోతున్న నాని తన మొట్టమొదటి సినిమా 'అష్టా చమ్మా' కి దర్శకత్వం వహించిన ఇంద్రగంటి మోహనకృష్ణ తో మరో సినిమా చేయబోతున్న సంగతి తెలిసిందే. మల్టీస్టారర్ సినిమాగా ప్రేక్షకుల ముందుకు రాబోతున్న ఈ సినిమాలో నాని, సుధీర్ బాబు ముఖ్యపాత్రలు పోషిస్తున్నారు. తాజా సమాచారం ప్రకారం ఈ సినిమాకు 'వి' అనే టైటిల్ ను ఖరారు చేసినట్లుగా తెలుస్తోంది.
నిజానికి తెలుగులో ఇలాంటి సింగిల్ లెటర్ టైటిల్స్ చాలా తక్కువ అని చెప్పుకోవాలి. ఎప్పుడో ఉపేంద్ర 'ఏ' అనే టైటిల్ తో సినిమాను విడుదల చేశాక ఈ మధ్యనే నాని నిర్మాతగా వ్యవహరించిన మొదటి సినిమా కు 'అ!' అనే టైటిల్ ను పెట్టాడు. టైటిల్ విషయంలో జాగ్రత్త వహించే ఇంద్రగంటి ఈ సినిమాకు ఇలాంటి టైటిల్ పెట్టడం వెనుక ఏదో ఒక పెద్ద అర్థమే ఉండి ఉంటుందని అభిమానులు కూడా అనుకుంటున్నారు. వి అంటే విక్టరీ అని కొందరు అంటుండగా మరికొందరు వి అనే అక్షరం మీనింగ్ అర్థం తెలియాలంటే సినిమా చూడాల్సిందే అని చెబుతున్నారు. ఇంతకీ 'వి' అర్థం తెలియాలంటే మరికొన్ని రోజులు ఎదురు చూడాల్సిందే.