Kalki: కల్కి సీక్వెల్ షూటింగ్ ప్రారంభమయ్యేది అప్పుడే..
ఇండియన్‌ సినిమా ఇండస్ట్రీలో చెరగని చరిత్ర సృష్టించిందీ మూవీ. ఇక విమర్శకుల ప్రశంసలు సైతం అందుకుంది.
Kalki: కల్కి సీక్వెల్ షూటింగ్ ప్రారంభమయ్యేది అప్పుడే..
ప్రభాస్ హీరోగా నాగ అశ్విన్ దర్శకత్వంలో వచ్చిన కల్కి చిత్రం ఎంతటి విజయాన్ని అందుకుందో ప్రత్యేకంగా చెప్పాల్సిన పనిలేదు. నాగ అశ్విన్ అద్భుత సృష్టికి, గ్రేట్‌ విజన్‌కు ప్రేక్షకులు ఫిదా అయ్యారు. ప్రపంచవ్యాప్తంగా విడుదలైన అన్ని చోట్ల ఈ సినిమా రికార్డు సృష్టించింది. ఏకంగా రూ. వెయ్యి కోట్లను కొల్లగొట్టి ఆల్‌ టైమ్‌ ఇండస్ట్రీ హిట్‌గా నిలిచిందీ మూవీ.
నాగ అశ్విన్ దర్శకత్వం.. ప్రభాస్, అమితాబ్‌, కమల్‌ హాసన్‌ నటన ఈ సినిమాను విజయతీరాలకు చేర్చింది. ఇండియన్‌ సినిమా ఇండస్ట్రీలో చెరగని చరిత్ర సృష్టించిందీ మూవీ. ఇక విమర్శకుల ప్రశంసలు సైతం అందుకుంది. అయితే ఈ సినిమా అసలు కథ అంతా రెండో పార్ట్‌లోనే ఉండనుందని సినిమా చూస్తే స్పష్టమవుతోంది. కల్కి చిత్రం భారీ విజయం సాధించడంతో అందరి దృష్టి సీక్వెల్‌పై పడింది.
దీంతో ఎప్పుడెప్పుడు కల్కి సీక్వెల్ విడుదలవుతుందా అని ప్రేక్షకులు క్యూరియాసిటీతో ఎదురు చూస్తున్నారు. ఇప్పటికే ఈ సినిమాకు సంబంధించి కొంత షూటింగ్ కూడా పూర్తి చేసుకున్నట్లు చిత్ర యూనిట్ ప్రకటించిన విషయం విధితమే. అయితే కొత్త షెడ్యూల్‌కు సంబంధించి షూటింగ్ ఎప్పుడు ఉండనుందన్న విషయాన్ని మాత్రం మేకర్స్‌ ప్రకటించలేదు.
అయితే తాజాగా ఇందుకు సంబంధించి చిత్ర యూనిట్ అధికారిక ప్రకటన చేసింది. ఇటీవల రష్యాలోని మాస్కోలో జరిగిన ఫిల్మ్ ఫెస్టివల్ వీక్‌లో నిర్మాతలు స్వప్నదత్‌, ప్రియాంకదత్‌లు కూడా పాల్గొన్నారు. ఈ ఈవెంట్‌లో కల్కి-2 షూటింగ్‌కు సంబంధించి అప్‌డేట్ ఇచ్చారు. కల్కి సీక్వెల్ వచ్చే ఏడాది జనవరి లేదా ఫిబ్రవరిలో ప్రారంభించనున్నట్లు తెలిపారు. ప్రభాస్ ప్రస్తుతం ఇతర సినిమాలతో బిజీగా ఉన్న నేపథ్యంలోనే ఈ నిర్ణయం తీసుకున్నట్లు తెలుస్తోంది. ఇదిలా ఉంటే కల్కి మూవీని రష్యన్‌ భాషలో విడుదల చేసేందుకు సన్నాహాలు చేస్తున్నారు.