Jr NTR: ప్రియమైన మావయ్యకు, బాబాయికి శుభాకాంక్షలు..

Jr NTR: ఆంధ్రప్రదేశ్ అసెంబ్లీ ఎన్నికలలో అఖండ విజ‌యం సాధించిన టీడీపీ-జనసేన కూటమికి యంగ్ టైగ‌ర్ ఎన్టీఆర్ శుభాకాంక్ష‌లు తెలిపాడు. ఈ సంద‌ర్భంగా ఎక్స్ వేదిక‌గా ప్రత్యేక పోస్ట్ పెట్టాడు. ఎన్టీఆర్ తన ట్విట్టర్లో.. ప్రియమైన చంద్రబాబు మావయ్యకి ఈ చారిత్రాత్మకమైన విజయాన్ని సాధించిందుకు నా హృదయపూర్వక శుభాకాంక్షలు. మీ ఈ విజయం ఆంధ్రప్రదేశ్ రాష్ట్రాన్ని అభివృద్ధి పథం వైపున నడిపిస్తుందని ఆశిస్తున్నాను.

అద్భుతమైన మెజారిటీతో గెలిచిన లోకేష్ కి, మూడోసారి ఘన విజయం సాధించిన బాలకృష్ణ బాబాయికి, MPలుగా గెలిచిన భరత్, పురంధేశ్వరి అత్తకి నా శుభాకాంక్షలు. అలాగే ఇంతటి ఘనవిజయం సాధించిన పవన్ కళ్యాణ్ గారికి కూడా నా హృదయపూర్వక శుభాకాంక్షలు అని పోస్ట్ చేశారు. దీంతో ఈ ట్వీట్ వైరల్ గా మారింది.