పెళ్లికి ముందు టాలీవుడ్ స్టార్ కపుల్ నాగచైతన్య, సమంత కలిసి 'ఏ మాయ చేసావే', 'మనం', 'ఆటోనగర్ సూర్య' సినిమాల్లో నటించినప్పటికీ పెళ్లి తర్వాత వీరిద్దరూ కలిసి నటించిన మొదటి సినిమా కాబట్టి 'మజిలీ' సినిమా పై భారీ అంచనాలు నెలకొన్నాయి. 'నిన్ను కోరి' ఫేమ్ శివ నిర్వాణ ఈ సినిమాకి దర్శకత్వం వహించారు. టీజర్ మరియు ట్రైలర్ తోనే ఆకట్టుకున్న ఈ చిత్రం ఈ మధ్యనే ఏప్రిల్ 5న ప్రపంచవ్యాప్తంగా విడుదలైంది.
అనుకున్నట్టుగానే ఈ చిత్రానికి ప్రేక్షకుల నుంచి మంచి రెస్పాన్స్ వస్తోంది. పైగా వరుసగా మూడు రోజులు సెలవులు కావడంతో ఈ సినిమా మంచి వసూళ్లనే నమోదు చేస్తోంది. విడుదలై మూడు రోజులు దాటినప్పటికీ మజిలీ కలెక్షన్ల పరంగా అదే జోరును కనబరుస్తోంది. ప్రపంచవ్యాప్తంగా 'మజిలీ' సినిమా మూడు రోజుల్లో 17.3 5 కోట్లను వసూలు చేసింది. నిజాం ఏరియాలో 5.35 కోట్లతో అత్యధికంగా వసూళ్లు నమోదు చేసుకుంది.
ప్రపంచవ్యాప్తంగా మజిలీ మూడు రోజుల షేర్లు ఇలా ఉన్నాయి.
నిజాం: 5.35 కోట్లు
సీడెడ్: 1.77 కోట్లు
వైజాగ్: 1.94 కోట్లు
ఈస్ట్: 0.90 కోట్లు
వెస్ట్: 0.64 కోట్లు
కృష్ణ: 1.01 కోట్లు
గుంటూరు: 1.24 కోట్లు
నెల్లూరు: 0.40 కోట్లు
రెస్టాఫ్ ఇండియా: 0.70 కోట్లు
యూఎస్ఏ: 2.25 కోట్లు
టోటల్ వరల్డ్ వైడ్ షేర్: 17.35 కోట్లు