THALA Movie: ఏ హీరో నాకు డేట్స్ ఇవ్వలేదు.. అందుకే నా కొడుకుతో సినిమా తీశా : అమ్మ రాజశేఖర్

THALA Movie: రణం సినిమాతో మంచి హిట్ అందుకున్న కొరియోగ్రాఫర్, దర్శకుడు అమ్మ రాజశేఖర్ చాన్నాళ్ల తర్వాత మెగా ఫోన్ పట్టారు. సౌత్ ఇండియన్ ఫిల్మ్ ఇండస్ట్రీలో ఎన్నో బ్లాక్ బస్టర్ సక్సెస్ లు అందుకున్న నిర్మాత ఆర్బీ చౌదరి సమర్పణలో మెగా సూపర్ గుడ్ ఫిలింస్ "తల" అనే కొత్త చిత్రాన్ని ప్రేక్షకుల ముందుకు తీసుకొస్తోంది. "తల" చిత్రానికి ఎన్ వీ ప్రసాద్, వాకాడ అంజన్ కుమార్ నిర్మాతలుగా వ్యవహరిస్తున్నారు. తన సినిమాలో నటించేందుకు హీరోలెవరూ డేట్స్ ఇవ్వలేదని, అందుకే తన కుమారుడితోనే ‘తల’చిత్రం తెరకెక్కిస్తున్నానని అమ్మ రాజశేఖర్‌ అన్నారు. అందుకే తన కొడుకు రాగిన్‌ రాజ్‌ ను హీరోగా పెట్టి సినిమా తీసినట్లు ఆయన తెలిపారు. ఆ సినిమా టీజర్‌ లాంచ్‌ ఈవెంట్‌ను హైదరాబాద్‌లో బుధవారం నిర్వహించారు. ఆ వేడుకలోనే ఈ కొరియోగ్రాఫర్‌, దర్శకుడు కామెంట్స్‌ చేశారు. త్వరలో గ్రాండ్ థియేట్రికల్ రిలీజ్ కు ఈ సినిమా రెడీ అవుతోంది. ఈ రోజు తల సినిమా టీజర్ లాంఛ్ ఈవెంట్ హైదరాబాద్ ప్రసాద్ ల్యాబ్స్ లో ఘనంగా జరిగింది.

ఈ కార్యక్రమంలో డైరెక్టర్ అమ్మ రాజశేఖర్ మాట్లాడుతూ.. తల మూవీ టీజర్ మీకు బాగా నచ్చిందని ఆశిస్తున్నాను. మన బాడీకి తల ఎంత ముఖ్యమో నాకు ఈ తలా సినిమా అంతే ఇంపార్టెంట్. నేను నా కెరీర్ లో దేవుడిగా భావించేది ఆర్బీ చౌదరి. ఆయన నాకు డ్యాన్స్ మాస్టర్ గా ఫస్ట్ అవకాశం ఇచ్చారు. ఆయన సినిమాలతోనే నాకు మంచి గుర్తింపు వచ్చింది. ఇప్పుడు ఆర్బీ చౌదరి గారి నిర్మాణంలో మా అబ్బాయి అమ్మ రాగిన్ రాజ్ ని హీరోగా పరిచయం చేస్తుండటం సంతోషంగా ఉందన్నారు.

తల మూవీలో క్యారెక్టర్ గురించి నటుడు రోహిత్ మాట్లాడుతూ.. క్యారెక్టర్ గురించి అమ్మ రాజశేఖర్ గారు చెప్పినప్పుడు బాగా నచ్చింది. నాకు కామెడీ ఇష్టం. ఇందులో కామెడీతో పాటు మంచి ఎమోషన్ కూడా ఉంటుందన్నారు. నటి ఎస్తే తల మూవీలో నటించడం ఒక మంచి ఎక్సిపీరియన్స్ ఇచ్చిందన్నారు. ఈ సినిమాలో క్యారెక్టర్ ఇప్పటిదాకా తాను నటించిన పాత్రలకు భిన్నంగా ఉంటుందన్నారు. తాను హీరోగా మారినప్పటి నుంచే ప్రేక్షకులే నాకు అన్నీ అనుకున్నాని తల సినిమా హీరో రాగిన్ రాజ్ అన్నారు. వాళ్లు ఎలా ఉండాలని కోరుకుంటారో అలా ఉంటాను. నాన్న తల మూవీ కథ చెప్పినప్పుడు సినిమా, నా క్యారెక్టర్ ఎలా ఉండబోతుందో నేను మనసులో ఊహించుకున్నాను. రోజూ నా క్యారెక్టర్ లోనే ఉండిపోయేవాడిని. తల సినిమా గురించి ఎక్కువగా రివీల్ చేయదల్చుకోలేదన్నారు. వీరితో పాటు సినిమాలో ముక్కు అవినాష్, సత్యం రాజేశ్, అజయ్, విజ్జి చంద్రశేఖర్, రాజీవ్ కనకాల, ఇంద్రజ, శ్రావణ్, తదితరులు నటించారు.