Chiranjeevi: చిరంజీవికి అరుదైన గౌరవం.. UAE నుంచి గోల్డెన్ వీసా అందుకున్న మెగాస్టార్

Chiranjeevi: ప్రముఖ సినీ నటుడు చిరంజీవికి మరో అరుదైన గౌరవం దక్కింది. యూనైటెడ్ అరబ్ ఎమిరేట్స్ గోల్డెన్ వీసాను ఆయన అందుకున్నారు. ఇటీవల పద్మవిభూషణ్ గెలుచుకున్న చిరంజీవికి తాజాగా గోల్డెన్ వీసా అందుకున్నారు. వివిధ రంగాల్లో విశేష కృషి చేసిన వారికి యూఏఈ ప్రభుత్వం ఈ వీసాను అందిస్తుంది. ఇన్వెస్టర్లు, వ్యవస్థాపకులు, శాస్త్రవేత్తలు, నటులు, అసాధారణ ప్రతిభ కలిగిన గ్రాడ్యుయేట్లకు 10 ఏళ్ల కాలపరిమితితో యూఏఈ వీసాను అందిస్తోంది. ఈ విషయం తెలుసుకున్న మెగా అభిమానులు చిరుకు సోషల్‌ మీడియా ద్వారా శుభాకాంక్షలు తెలుపుతున్నారు.

ఇంతకుముందు.. చిత్ర పరిశ్రమకు చెందిన రజనీకాంత్, షారుక్‌ ఖాన్‌, అల్లు అర్జున్‌, దుల్కర్‌ సల్మాన్‌, త్రిష, అమలాపాల్, మోహన్‌లాల్‌, మమ్ముట్టి, టొవినో థామస్‌ తదితరులకు ఈ వీసా లభించింది.