టాలీవుడ్ స్టైలిష్ స్టార్ అల్లు అర్జున్ ప్రస్తుతం మాటల మాంత్రికుడు త్రివిక్రమ్ శ్రీనివాస్ దర్శకత్వంలో ఓ సినిమా చేస్తున్న సంగతి తెలిసిందే. ఈ సినిమా పూర్తయిన తర్వాత బన్నీ తన 20వ సినిమాని దర్శకుడు వేణు శ్రీరామ్ చేయబోతున్నాడు. దిల్ రాజు నిర్మిస్తున్న ఈ సినిమాకు 'ఐకాన్' అనే టైటిల్ ను ఖరారు చేసారు. 'కనబడుట లేదు' అనే ఆసక్తికరమైన ట్యాగ్లైన్తో ప్రేక్షకుల ముందుకు వస్తున్న ఈ సినిమా కథ గురించి బోలెడు పుకార్లు బయటకు వస్తున్నాయి. తాజాగా ఈ సినిమా 'కిటకిట' అనే ఫిలిప్పిన్స్ సినిమా రీమేక్ అని వార్తలు బయటకు వచ్చాయి.
కానీ వాటిలో నిజం లేదంటూ దర్శక నిర్మాతలు కొట్టిపారేశారు. తాజాగా 'ఐకాన్' సినిమా ఒక రోడ్ జర్నీ మీద ఆధారంగా నడిచే కథ అని తెలుస్తోంది. సినిమా కథ ప్రకారం బన్నీ తన బైక్ పోయినట్టు పోలీస్ స్టేషన్లో కంప్లైంట్ ఇస్తాడు. కానీ వాళ్లు పోలీసులు ఈ విషయాన్ని పెద్దగా పట్టించుకోకపోవడంతో కోపం తెచ్చుకున్న అల్లు అర్జున్ పోలీస్ డిపార్ట్మెంట్ షేక్ అయ్యేలాగా మైండ్ గేమ్ మొదలుపెడతాడు. ఈ క్రమంలో హీరోయిన్ ని కలుసుకుని ఆమెతో ప్రేమలో పడతాడు. ఈ సినిమాలో ఎన్నో ట్విస్టులు ఉంటాయని సినిమా చాలా ఆసక్తికరంగా యాక్షన్ ప్రేక్షకులకు కూడా నచ్చే విధంగా ఉంటుందని తెలుస్తోంది. పూజ హెగ్డే హీరోయిన్ గా నటిస్తున్న ఈ సినిమాను గీతా ఆర్ట్స్ మరియు హారిక అండ్ హాసిని క్రియేషన్స్ బ్యానర్లు సంయుక్తంగా నిర్మిస్తున్నాయి.