Kalki 2898 AD OTT: కల్కి లవర్స్‌కి పండగే.. ఓటీటీలోకి వచ్చేస్తున్న బ్లాక్‌బస్టర్‌.. ఎప్పుడంటే..?

Kalki 2898 AD OTT release date: కల్కి.. ఈ సినిమా ఇండియన్‌ సినిమా ఇండస్ట్రీలో ఎలాంటి వండర్స్‌ క్రియేట్ చేసిందో ప్రత్యేకంగా చెప్పాల్సిన పనిలేదు. నాగ అశ్విన్‌ అద్భుత దర్శకత్వంతో పాటు ప్రభాస్‌, అమితాబ్‌, కమల్‌హాసన్‌ల అద్భుత నటన ఈ సినిమాను విజయతీరాలకు చేర్చింది. రూ. వెయ్యి కోట్ల మార్క్‌ను దాటేసి ఇండియన్‌ సినిమా ఇండస్ట్రీపై తనదైన మార్క్‌ను వేసిందీ మూవీ. ఓవర్‌సీస్‌ మార్కెట్‌లో అప్పటి వరకు ఉన్న రికార్డులను తిరగరాసిందీ మూవీ.

ఇదిలా ఉంటే ఈ సినిమా ఓటీటీలోకి ఎప్పుడు వస్తుందా అని ఫ్యాన్స్‌ ఎదురు చూస్తున్నారు. ఇప్పటికే థియేటర్లలో మూవీని చూసిన వారు మరోసారి సినిమాను చూడ్డానికి ఎదురు చూస్తున్నారు. ఇక థియేటర్లలో మూవీ మిస్‌ అయిన వారు కూడా ఓటీటీ స్ట్రీమింగ్ కోసం ఆతృతగా ఉన్నారు. ఇదిలా ఉంటే మేకర్స్‌ ముందుగానే ఓటీటీకి సంబంధించి ఓ ఒప్పందం చేసుకున్న విషయం తెలిసిందే. అమెజాన్‌తో పాటు నెట్‌ఫ్లిక్స్‌లో కల్కి స్ట్రీమింగ్‌కు సంబంధించి అగ్రిమెంట్ జరిగింది.

జూన్‌ 27వ తేదీన కల్కి మూవీ థియేటరల్లోకి వచ్చిన విషయం తెలిసిందే. ఈ సినిమా విడుదలై దాదాపు రెండు నెలలు దగ్గరపడుతోన్న నేపథ్యంలో త్వరలోనే ఓటీటీ స్ట్రీమింగ్ మొదలు కానుందని వార్తలు వస్తున్నాయి. తాజా సమాచారం ప్రకారం కల్కి ఓటీటీ స్ట్రీమింగ్ ఆగస్టు 23వ తేదీ నుంచి ప్రారంభంకానున్నట్లు తెలుస్తోంది. అమెజాన్‌ ప్రైమ్‌లో తెలుగు వెర్షన్‌తో, అదే విధంగా నెట్‌ఫ్లిక్స్‌ వేదికగా హిందీ వెర్షన్‌ స్ట్రీమింగ్ కానుందని సమాచారం. మరి ఈ వార్తల్లో ఎంత వరకు నిజం ఉందో తెలియాలంటే అధికారిక ప్రకటన వచ్చే వరకు వేచి చూడాల్సిందే.

ఇదిలా ఉంటే కల్కి పార్ట్‌ 2కి సంబంధించి ఇప్పటికే కొంతమేర షూటింగ్ పూర్తయినట్లు చిత్ర యూనిట్ ఇప్పటికే ప్రకటించిన విషయం తెలిసిందే. అనుకున్న సమయానికి కంటే ముందుగానే కల్కి సీక్వెల్‌ను ప్రేక్షకుల ముందుకు తీసుకొచ్చేందుకు సన్నాహాలు చేస్తున్నట్లు సమాచారం. కల్కి మొదటి భాగం విజయవంతం కావడంతో రెండో పార్ట్‌పై అంచనాలు మరింత పెరిగిపోయాయి.