టాలీవుడ్ సూపర్ స్టార్ మహేష్ బాబు త్వరలో 'మహర్షి' సినిమాతో ప్రేక్షకుల ముందుకు రాబోతున్న సంగతి తెలిసిందే. మే 9న విడుదల కాబోతున్న ఈ సినిమాకి వంశీ పైడిపల్లి దర్శకత్వం వహిస్తున్నారు. పూజా హెగ్డే హీరోయిన్ గా నటిస్తున్న ఈ సినిమాను దిల్ రాజు నిర్మిస్తున్న సంగతి తెలిసిందే. ఈ సినిమా ప్రీ రిలీజ్ ఈవెంట్ ను మే 1వ తేదీన నిర్వహించబోతున్నట్లు తెలుస్తోంది. మహేష్ కెరీర్ లో 25వ సినిమా కాబట్టి ఇది మహేష్ కు మరియు అభిమానులకు స్పెషల్ సినిమా అని చెప్పుకోవచ్చు.
అయితే మహేష్ 25 వ సినిమా కాబట్టి ఈ సినిమా ప్రీ రిలీజ్ సందర్భంగా నిర్మాత దిల్ రాజు మహేష్ బాబు కు ఒక్క సర్ప్రైజ్ ఇవ్వబోతున్నాడట. ఇప్పటిదాకా మహేష్ బాబు నటించిన 24 సినిమాల దర్శకులను 'మహర్షి' సినిమా ప్రీ రిలీజ్ ఈవెంట్ కోసం ఆహ్వానిస్తున్నట్లు తెలుస్తోంది. అయితే 'బాబీ' సినిమాకి దర్శకత్వం వహించిన శోభన్ ఇప్పుడు చనిపోయారు కాబట్టి ఆయన తప్ప మిగతా అందరూ ఈ వేడుకలో హాజరవుతున్నట్లుగా తెలుస్తోంది. పైగా ఇప్పటికే మహేష్ బాబు శ్రీకాంత్ అడ్డాల, శ్రీనువైట్ల, వంటి దర్శకులతో రెండుసార్లు నటించాడు. వీరందరూ మరి వస్తారో లేదో చూడాలి.