Balasubrahmanyam: ఎస్ పి బాలసుబ్రమణ్యం మరణం సంగీత ప్రపంచానికి తీరని లోటు: ఆదిమూలపు సురేష్!
అమరావతి..
-గానగంధర్వుడు బాలు మృతి పట్ల దిగ్భ్రాంతి వ్యక్తం చేసిన విద్యాశాఖ మంత్రి డాక్టర్ ఆదిమూలపు సురేష్.
-సంగీత ప్రపంచంలో బాలు ప్రస్థానం సువర్ణాక్షరాలతో లిఖించదగినది.
-కళాభిమానుల గుండెల్లో బాలు చిరస్తాయి గా నిలిచిపోతారు.
-బాలు కుటుంబసభ్యులకు ప్రగాఢ సానుభూతిని తెలిపిన మంత్రి సురేష్.
Balasubrahmanyam: చెన్నైలోని బాలసుబ్రహ్మణ్యం ఇంటికి బాలు పార్థివ దేహం..
సినిమా పిఆర్ఓ నిఖిల్ క్రిష్ణ..
-సాయంత్రం 4గంటలకు ఇంటికి తరళింపు
-ఆయన అంతిమ సంస్కారాలు రెడ్ హిల్స్ సమీపంలోని ఫామ్ హౌస్ లో చేయాలని నిర్ణయించారు.
-అంతిమ సంస్కారాలు రాత్రికి చేయాలా ఉదయం చేయాలా అన్నది వెంటనే ప్రకటిస్తాం
Balasubrahmanyam: శ్రీ శ్రీపతి పండితారాధ్యుల బాలసుబ్రహ్మణ్యం గారు పరమపదించడం దిగ్భ్రాంతి కలిగించింది..
వెంకయ్యనాయుడు..ఉపరాష్ట్రపతి..
-ప్రముఖ నేపథ్య గాయకుడు, ఐదున్నర దశాబ్ధాలుగా తమ అమృత గానంతో ప్రజలను అలరింపజేసిన శ్రీ శ్రీపతి పండితారాధ్యుల బాలసుబ్రహ్మణ్యం గారు అనారోగ్య కారణాలతో పరమపదించడం దిగ్భ్రాంతి కలిగించింది.
-వారి ఆత్మకు శాంతి కలగాలని ప్రార్థిస్తూ వారి కుటుంబ సభ్యులకు, అభిమానులకు ప్రగాఢ సానుభూతి తెలియజేస్తున్నాను.
Kakinada updates: గానగంధర్వుడు బాలు మరణంతో విషాదంలో గంగాధం మాస్టారు కుటుంబసభ్యులు..
తూర్పుగోదావరి :
కాకినాడ:
-హెచ్ఎంటివి తో గంగాధరం మాస్టార్ కుమారుడు పెద్దిరెడ్డి సతీష్,.
-నెల్లూరు లోని కొందరు స్నేహితుల ద్వారా నాన్న గారికి బాలు గారు పరిచయం..
-వారి స్నేహానికి సంగీత కారణం.. కాకినాడలో నాటకరంగ పై ఏర్పాటు చేసిన మంజుల ఆర్ట్స్ అభివృధ్ధికి బాలు ఎంతో కృషి చేశారు..
-మంజుల ఆర్ట్స్ కి బాలు కార్యదర్శిగా వ్యవహరించారు.. మైమ్ షో లకు నాన్నగారు సంగీతం అందించేవారు..
-గంగాధం ఆర్కెస్ట్రా ప్రతీ కార్యక్రమానికి బాలు వచ్చారు.. ఆయన కోలుకుని తిరగి వస్తారని భావించాం..
Balasubrahmanyam: గానగంధర్వుడు ఎస్పీ బాలసుబ్రహ్మణ్యం గారి కుటుంబానికి నా ప్రగాఢ సంతాపం..నారా లోకేష్!
అమరావతి..
టిడిపి జాతీయ ప్రధాన కార్యదర్శి నారా లోకేష్..
-ఆబాల గోపాలాన్ని తన గానంతో అల‌రించిన ఎస్‌పి బాలసుబ్రహ్మణ్యం క‌న్నుమూయ‌డం.. సంగీత, సాహిత్య, సినీ, క‌ళా ప్రపంచానికి తీరనిలోటు.
-ద‌శాబ్దాలుగా భార‌తీయ భాష‌ల‌న్నింటిలోనూ 40 వేలకు పైగా పాటలు పాడిన సుస్వ‌రాల సుమ‌ధుర బాలు మ‌న‌మ‌ధ్య లేక‌పోవ‌చ్చు.
-ఆయన పాట, మాట, బాట, న‌ట‌న, సంగీతం అన్నీ చిర‌కాలం జీవించే ఉంటాయి.
Balasubrhmanyam: దేశం గర్వించే మహా గాయకుడు ఎస్పీ బాలసుబ్రమణ్యం!
తూర్పుగోదావరి.. కొత్తపేట...
శిల్పి ఒడియార్ రాజకుమార్ కామెంట్..
-ఆయన మరణం జీర్ణించుకోలేకపోతున్నాను.
-ఆయన మనసు మెచ్చిన రీతిలో వారి తల్లిదండ్రుల విగ్రహాలను తీర్చిదిద్దా..
-తనకు విగ్రహాన్ని తీర్చిదిద్దాలని కోరిన బాలు..
-40 వేలకు పైగా పాటలు పాడిన మధుర గాయకుడు బాలు మరణం సంగీత లోకానికి ఎప్పటికీ తీరని లోటు..
Balasubrahmanyam: తెలుగు జాతి ముద్దుబిడ్డ బాల సుబ్రమణ్యం: చంద్రబాబు!
అమరావతి..
-మాజీ ముఖ్యమంత్రి చంద్రబాబు ప్రగాఢ సంతాపం..
-తన గానంతో ప్రజల గుండెల్లో అజరామరుడు.
-గాన గంధర్వుడు తెలుగుజాతి ముద్దుబిడ్డ ఎస్ పి బాలసుబ్రమణ్యం మృతి తీవ్ర దిగ్భ్రాంతికి గురి చేసింది.
-బాల సుబ్రమణ్యం మృతి భారత చలన చిత్ర పరిశ్రమకే కాదు, కళాకారులు అందరికీ, యావత్ సంగీత ప్రపంచానికే తీరనిలోటు.
-16భాషల్లో 40వేలకు పైగా పాటలు పాడి, గిన్నెస్ బుక్ ఆఫ్ రికార్డులకు ఎక్కి తెలుగు జాతి ఖ్యాతిని దిగంతములకు వ్యాప్తి చేశారు..
-ఆయన కోలుకుంటారు, ఆరోగ్యంతో తిరిగి వస్తారు, మళ్లీ తన పాటలతో పరవశింపచేస్తారని అందరూ గంపెడాశతో ఎదురు చూస్తున్న తరుణంలో ఆయన మృతి వార్త ఆశనిపాతమైంది.
-గాయకుడిగా, సంగీత దర్శకుడిగా, నటుడిగా, డబ్బింగ్ ఆర్టిస్ట్ గా శ్రోతలపై, ప్రేక్షకులపై చెరగని ముద్రవేశారు.
-పద్మశ్రీ, పద్మభూషణ్ తోపాటు ఆయన సాధించిన అనేక జాతీయ రాష్ట్ర స్థాయి అవార్డులే బాలసుబ్రమణ్యం ప్రతిభకు కొలమానాలు.
-భౌతికంగా బాల సుబ్రమణ్యం మనకు దూరం అయినా, తన పాటల్లో ప్రజల గుండెల్లో అజరామరుడుగా నిలిచిపోయారు.
-ఎందరో వర్తమాన గాయకులకు మార్గదర్శి. కళాకారులు అందరికీ స్ఫూర్తిదాయకుడు.
-తెలుగుదేశం పార్టీ ప్రచారంలో ఆయన పాటలు పార్టీ కార్యకర్తల్లో నూతన ఉత్తేజం, ఉత్సాహం పరవళ్లు తొక్కేది.
-ఎస్ పి బాల సుబ్రమణ్యం కుటుంబ సభ్యులకు, అభిమానులకు నా ప్రగాఢ సానుభూతిని తెలియజేస్తున్నాను.
S.P.Balasubrahmanyam: 'సింహపురి'లో జన్మించిన గాయకులు..ప్రపంచం గర్వించదగ్గ గానగంధర్వులు..
అమరావతి..
మంత్రి మేకపాటి గౌతమ్ రెడ్డి
-"నేనున్నది మీలోనే..ఆ నేను మీరేలే..నాదన్నది ఏమున్నది నాలో" అంటూ వెళ్లిపోయారా బాలుగారూ
-ఏడ్చినా..నవ్వినా..మాటాడినా..పాటాడినా..ఏదైనా బాలుగారి నోట..ప్రతీది పాటే
Balasubrahmanyam: ఎస్పీ మరణం సినీ ప్రపంచానికి తీరని లోటు: అవంతి శ్రీనివాసరావు!
విశాఖ..
మంత్రి అవంతి శ్రీనివాసరావు సంతాపం
-ఎస్.పీ.బాలసుబ్రహ్మణ్యం మరణం సినీ ప్రపంచానికి తీరని లోటు
-మారుమూల శ్రీకాకుళం జిల్లా రాజాం ప్రజలతో ఎస్పీ మమేకమైన క్షణాలు ఇప్పటికీ గుర్తున్నాయి
Vijayawada-Rajbhavan: గాణ గంధర్వుడు శ్రీ ఎస్. పి. బాలసుబ్రహ్మణ్యం కుటుంబ సభ్యులకు ప్రగాఢ సానుభూతిని తెలిపిన ఆంధ్రప్రదేశ్ గవర్నర్!
విజయవాడ రాజ్ భవన్:
-గాణ గంధర్వుడు పద్మ భూషణ్ అవార్డు గ్రహీత ప్రఖ్యాత గాయకుడు శ్రీ ఎస్. పి. బాలసుబ్రహ్మణ్యం అకాల మరణం పట్ల విచారం వ్యక్తం చేసిన ఆంధ్రప్రదేశ్ గవర్నర్ బిస్వ భూషణ్ హరిచందన్.
-16 బాషలలో 40 వేలకు పైగా పాటలు పాడి ప్రజల హృదయాలలో చిరస్థాయిగా నిలిచిపోయారని గవర్నర్ తెలిపారు.
-వారి కుటుంబ సభ్యులకు ప్రగాఢ సానుభూతిని తెలిపిన గవర్నర్.