Maharashtra, Jharkhand Election Results Live: మహారాష్ట్ర, జార్ఖండ్ అసెంబ్లీ ఎన్నికల ఫలితాలు లైవ్ అప్డేట్స్

Maharashtra Election Results 2024: మహారాష్ట్ర ఎన్నికల్లో ప్రస్తుతం అధికారంలో ఉన్న మహాయుతి కూటమి ఘన విజయం సాధించింది. మహారాష్ట్రలో మొత్తం 288 అసెంబ్లీ స్థానాలు ఉన్నాయి. అందులో మధ్యాహ్నం 12 గంటల సమయానికే మహాయుతి కూటమి 222 స్థానాల్లో విజయం సాధించింది. మహారాష్ట్రలో ఒక కూటమి 200 స్థానాలకుపైగా స్థానాల్లో విజయం సాధించడం ఇదే తొలిసారిగా రాజకీయ పరిశీలకులు చెబుతున్నారు. మహారాష్ట్రలో అధికారంలోకి రావాలంటే 145 స్థానాల్లో విజయం సాధించాల్సి ఉంటుంది. కానీ మహాయుతి అంతకుమించిన ఘన విజయం సొంతం చేసుకుంది. మహాయుతి కూటమిలో బీజేపి, సీఎం ఏక్‌నాథ్ షిండే నేతృత్వంలోని శివసేన, అజిత్ పవార్ నేతృత్వంలోని నేషనలిస్ట్ కాంగ్రెస్ పార్టీ (ఎన్సీపీ) ఉన్నాయి. మహారాష్ట్ర ఎన్నికల ఫలితాల సరళిపై పూర్తి వార్తా కథనం కోసం ఇక్కడ క్లిక్ చేయండి.

మహారాష్ట్రలో అధికారం నిలబెట్టుకునే దిశగా మహాయుతి కూటమి దూసుకెళ్తోంది. ఈ నేపథ్యంలో మహారాష్ట్ర రాజకీయాల్లో కీలక పరిణామాలు చోటుచేసుకుంటున్నాయి. ఫడ్నవీస్‌ నివాసంలో బీజేపీ నేతలు సమావేశమయ్యారు. ఫడ్నవీస్‌ సీఎం పదవి చేపట్టాలని వారు డిమాండ్ చేస్తున్నారు. ఫడ్నవీస్‌ సీఎం అంటూ మహా బీజేపీ నేతలు వ్యాఖ్యలు చేస్తుండటంతో మహారాష్ట్ర రాజకీయాల్లో ఉత్కంఠ నెలకొంది. మరోవైపు.. సీఎం సీటు వదులుకునే ప్రసక్తే లేదంటోంది షిండే వర్గం. దీంతో.. మహారాష్ట్ర రాజకీయాల్లో ఉత్కంఠ నెలకొంది. 

జార్ఖండ్‌లో జేఎంఎం కూటమికి మెజారిటీ వచ్చిన తర్వాత, రాంచీలో కాంగ్రెస్ కీలక సమావేశం జరుగుతోంది. జేఎంఎం కూటమి 47 స్థానాల్లో ఆధిక్యంలో ఉంది. అదే సమయంలో బీజేపీ కూటమి 31 స్థానాల్లో ఆధిక్యంలో ఉంది.

శివసేన ఎంపీ సంజయ్‌రౌత్‌ సంచలన ఆరోపణలు చేశారు. ఈవీఎంలు ట్యాంపరింగ్‌ చేసి గెలిచారంటూ హాట్‌ కామెంట్స్‌ చేశారు. లోక్‌సభ ఎన్నికల్లో అఘాడీ కూటమికే మెజార్టీ సీట్లు వచ్చాయని, ఇప్పుడెలా ఫలితాలు మారుతాయంటూ తన అనుమానాన్ని వ్యక్తం చేశారు. ఇది ప్రజా తీర్పు కాదని, ప్రజాస్వామ్యాన్ని ఖూనీ చేశారంటూ శివసేన ఎంపీ సంజయ్‌రౌత్‌ హాట్‌ కామెంట్స్‌ చేశారు.

పూణే, బల్లార్ పూర్, షోలాపూర్, డెత్లూర్, లాతూర్ లలో పూణే, బల్లార్ పూర్, షోలాపూర్ లో బీజేపీ కూటమి అభ్యర్థులు ముందంజ

డెత్లూర్, లాతూర్ లలో మాత్రం హోరాహోరీ పోరు

మేద్నీపూర్‌ బైపోల్ ఎన్నికలో టీఎంసీ అభ్యర్థి సుజయ్‌హజ్రా ఆధిక్యం

నైహతిలో సనత్ దే లీడ్

మదారిహత్‌లో జయప్రకాశ్ టొప్పొ ముందంజ

సితాయ్‌ అసెంబ్లీ స్థానంలో సంగీతా రాయ్‌ లీడ్

ఉత్తరప్రదేశ్ లో మొత్తం 9 అసెంబ్లీ స్థానాలకు ఉప ఎన్నికలు.. బీజేపీ-6, ఎస్పీ-2, ఆర్ఎల్డీ-1 స్థానంలో ముందంజ

జార్ఖండ్‌లో మ్యాజిక్‌ ఫిగర్‌ 41 స్థానాలు దాటేసిన ఇండియా కూటమి

వెనుకబడ్డ బీజేపీ కూటమి

50 స్థానాల్లో ఆధిక్యంలో కొనసాగుతున్న ఇండియా కూటమి