Diabetic: షుగర్ పేషెంట్లు చిలగడదుంప తింటే ఏమవుతుంది? రక్తంలో షుగర్ పెరుగుందా? లేదా..?

 Diabetic: జీవనశైలిలో కలిగే మార్పుల వల్ల వచ్చే అత్యంత ప్రమాదకరమైన వ్యాధులలో మధుమేహం ఒకటి. మన శరీరంలో అత్యంత కీలకమైన భాగమైన క్లోమం ఇన్సులిన్ ఉత్పత్తి చేస్తుంది. ఈ హార్మోన్ ఆహారంలో ఉండే గ్లూకోజ్ ను శక్తిగా మార్చుతుంది. ఇన్సులిన్ ఉత్పత్తి తగ్గినట్లయితే మధుమేహం వచ్చే ప్రమాదం పెరుగుతుంది. మధుమేహం ఒక్కసారి వస్తే చాలు దానిని మూలం నుండి నిర్మూలించడం దాదాపు అసాధ్యం. దీన్ని నియంత్రించాలంటే మందులతో పాటు ఆరోగ్యకరమైన ఆహారం తీసుకోవడం చాలా అవసరం. మధుమేహ రోగులు రక్తంలో చక్కెరను నియంత్రించడానికి చిలగడదుంపలను తీసుకోవచ్చు.

>> స్వీట్ పొటాటోలో కేలరీలు తక్కువగా ఉండటం వల్ల బరువు తగ్గాలనుకునే వారు కూడా తినవచ్చు. 100 గ్రాముల చిలగడ దుంపలో 86 కేలరీలు మాత్రమే ఉంటాయి. అలాగే వీటిలో ప్రొటీన్లు, పీచుపదార్థాలు ఉంటాయి. ఇవి శరీర బరువును అదుపులో ఉంచుతాయి.

>> అయితే రుచిలో తియ్యగా ఉండే చిలగడదుంప తింటే రక్తంలో చక్కెర స్థాయి పెరుగుతుందా అనే సందేహం చాలా మందికి ఉంటుంది. కానీ చిలగడదుంపలో ఫైబర్ పుష్కలంగా ఉంటుంది. కాబట్టి చిలగడదుంప తింటే రక్తంలో చక్కెర స్థాయి పెరగదని పోషకాహార నిపుణులు అంటున్నారు.

>> చిలగడ దుంపలు చాలా తక్కువ గ్లైసెమిక్ సూచికను కలిగి ఉంటాయి. కాబట్టి ఇవి మధుమేహాన్ని అదుపులో ఉంచుతాయి. స్వీట్ పొటాటోలో విటమిన్లు, ఖనిజాలు , యాంటీఆక్సిడెంట్లు కూడా ఉంటాయి. చిలగడదుంపలో విటమిన్లు ఎ, సి, బి6, ఇ, పొటాషియం మొదలైనవి లభిస్తాయి.

>> స్వీట్ పొటాటోలో కేలరీలు తక్కువగా ఉండటం వల్ల బరువు తగ్గాలనుకునే వారు కూడా తినవచ్చు. వీటిలో ప్రొటీన్లు, పీచుపదార్థాలు ఉంటాయి కాబట్టి శరీర బరువును అదుపులో ఉంచుతాయి. విటమిన్ సి పుష్కలంగా ఉంటుంది, చిలగడదుంపలు కూడా రోగనిరోధక శక్తిని పెంచడంలో సహాయపడతాయి.

>> విటమిన్ బి6 , పొటాషియం పుష్కలంగా ఉండే చిలగడదుంపలను తీసుకోవడం వల్ల అధిక రక్తపోటును తగ్గించి గుండె ఆరోగ్యాన్ని కాపాడుకోవచ్చు. ఫైబర్ పుష్కలంగా ఉండే చిలగడదుంపలు జీర్ణక్రియను మెరుగుపరచడంలో , మలబద్ధకాన్ని నివారించడంలో సహాయపడతాయి. విటమిన్ ఎలో పుష్కలంగా ఉండే చిలగడదుంపలు కంటి ఆరోగ్యానికి కూడా మేలు చేస్తాయి. విటమిన్ సి , ఇ పుష్కలంగా ఉండే చిలగడదుంప తినడం చర్మ ఆరోగ్యానికి కూడా మంచిది.

మీ ఆహారంలో ఇలా చేర్చుకోండి: డైట్ ఎక్స్‌పర్ట్స్ ప్రకారం, చిలగడ దుంప మధుమేహ రోగులకు అనేక రకాలుగా మేలు చేస్తుంది. ఇందులో కార్బోహైడ్రేట్లు కూడా ఉంటాయి, కాబట్టి వీటిని పరిమిత పరిమాణంలో మాత్రమే తీసుకోవాలి. అరకప్పు చిలగడదుంపలో సుమారు 15 గ్రాముల పిండి పదార్థాలు ఉంటాయి. అదే సమయంలో, పరిశోధన ప్రకారం, ఉడికించిన చిలగడదుంపలు అత్యంత ఆరోగ్యకరమైనవి. అందుకే ఎల్లప్పుడు ఉడికించిన చిలగడ దుంపలు మాత్రమే తినాలని డైటీషియన్లు సూచిస్తున్నారు.