TS DSC 2023: 5,089 టీచర్‌ పోస్టుల భర్తీకి ప్రభుత్వం అనుమతి

TS DSC 2023: 5వేల 89 టీచర్ పోస్టుల భర్తీకి తెలంగాణ ప్రభుత్వం అనుమతి ఇచ్చింది. డీఎస్సీ ద్వారానే ఈ ఉద్యోగాల భర్తీ చేయనున్నారు. ఈ పోస్టుల భర్తీకి తెలంగాణ ప్రభుత్వం ఉత్తర్వులు జారీ చేసింది. 2,575 ఎస్‌జీటీ, 1,739 స్కూల్‌ అసిస్టెంట్‌, 611 భాషా పండితులు, 164 పీఈటీ పోస్టుల భర్తీకి అనుమతి మంజూరు చేసింది. ఈ మేరకు ఆర్థిక శాఖ శుక్రవారం ఉత్తర్వులు జారీ చేసింది.

ఈ పోస్టుల భర్తీకి విధివిధానాలు ఖరారుచేసి, రెండు రోజుల్లో నోటిఫికేషన్‌ను జారీ చేస్తామని ఇది వరకే విద్యా శాఖ మంత్రి సబితా ఇంద్రారెడ్డి తెలిపిన విషయం తెలిసిందే. పాఠశాల విద్యలో 5,089 పోస్టులు, మరో 1,523 స్పెషల్‌ ఎడ్యుకేషన్‌ టీచర్‌ పోస్టులను ఈ నోటిఫికేషన్‌ ద్వారా భర్తీ చేస్తామని వెల్లడించారు.