TS GENCO: ఈ నెల 17న జరగాల్సిన టీఎస్‌ జెన్‌ కో రాత పరీక్షలు వాయిదా

TS GENCO: తెలంగాణ వ్యాప్తంగా ఈ నెల 17న జరగాల్సిన జెన్‌కో రాత పరీక్షలు వాయిదా పడ్డాయి. అదే రోజు ఇతర పరీక్షలు నిర్వహిస్తున్నందున జెన్‌ కో పరీక్షలు వాయిదా వేసినట్టు తెలంగాణ జెన్‌ కో వెల్లడించింది. పరీక్షలకు సంబంధించిన కొత్త తేదీలను త్వరలోనే ప్రకటిస్తామని టీఎస్‌ జెన్‌ కో స్పష్టం చేసింది. తెలంగాణ జెన్‌కోలో 339 అసిస్టెంట్‌ ఇంజినీర్‌, 60 కెమిస్ట్‌ పోస్టుల భర్తీకి అక్టోబరు 5న నోటిఫికేషన్‌ వెలువడింది. అక్టోబరు 7 నుంచి నవంబరు 10 వరకు అభ్యర్థుల నుంచి దరఖాస్తులు స్వీకరించారు.

నవంబరు 14, 15 తేదీల్లో దరఖాస్తుల సవరణకు అవకాశం కల్పించారు. డిసెంబర్‌ 17న పరీక్ష నిర్వహిస్తామ‌ని ప్రకటించారు. అయితే.. అదే రోజు ఇతర పరీక్షలు ఉన్నందున జెన్‌ కో పరీక్షలు వాయిదా పడ్డాయి. తెలంగాణలో కొత్తగా నిర్మిస్తున్న యాదాద్రి, భద్రాద్రి విద్యుత్ కేంద్రాల నిర్వహణతో పాటు ఇప్పటికే ఉన్న పాత విద్యుత్ కేంద్రాల అవసరాల కోసం ఈ పోస్టులను భర్తీ చేయనున్నారు.