కామర్స్‌ చదివిన వారికి శుభవార్త.. నేషనల్ ఫెర్టిలైజర్స్ లిమిటెడ్‌లో అకౌంట్స్ అసిస్టెంట్ పోస్టులు..!

NFL Recruitment 2023: కామర్స్‌ చదివిన నిరుద్యోగులకు ఇదొక సువర్ణవకాశమని చెప్పాలి. ఎందుకంటే నేషనల్ ఫెర్టిలైజర్స్ లిమిటెడ్ అకౌంట్స్ అసిస్టెంట్ పోస్టుల కోసం నోటిఫికేషన్‌ విడుదల చేసింది. అభ్యర్థులు NFL Nationalfertilizers.com అధికారిక వెబ్‌సైట్‌కి వెళ్లి డిసెంబర్ 1, 2023 వరకు దరఖాస్తు చేసుకోవచ్చు. ఈ పోస్టుల కోసం 2 నవంబర్ 2023 నుంచి అప్లికేషన్‌ ప్రాసెస్‌ ప్రారంభమైంది. వయస్సు ఎంత ఉండాలి, ఎంపిక ఎలా జరుగుతుంది తదితర వివరాలు తెలుసుకుందాం.

అర్హతలు

దరఖాస్తు చేసుకునే అభ్యర్థి ఏదైనా గుర్తింపు పొందిన యూనివర్సిటీ నుంచి కామర్స్‌లో గ్రాడ్యుయేషన్ కలిగి ఉండాలి. అభ్యర్థులు 50 శాతం మార్కులతో ఉత్తీర్ణత సాధించడం తప్పనిసరి.

వయోపరిమితి

అభ్యర్థుల వయస్సు 18 సంవత్సరాల నుంచి 30 సంవత్సరాల మధ్య ఉండాలి. మరింత సమాచారం కోసం నోటిఫికేషన్‌ను చెక్‌ చేయవచ్చు.

ఇలా దరఖాస్తు చేసుకోండి

Fertilizers.com అధికారిక వెబ్‌సైట్‌ను సందర్శించండి.

హోమ్ పేజీలో ఇచ్చిన కెరీర్ ట్యాబ్‌పై క్లిక్ చేయండి.

NFL రిక్రూటింగ్ కోసం ఇక్కడ క్లిక్ చేయండి.

ఇప్పుడు అకౌంట్స్ అసిస్టెంట్ రిక్రూట్‌మెంట్ లింక్‌పై క్లిక్ చేయండి.

ఇక్కడ దరఖాస్తు చేయడానికి లింక్‌పై క్లిక్ చేయండి.

ఇప్పుడు దరఖాస్తు ప్రక్రియను ప్రారంభించండి.

ఎంపిక ప్రక్రియ ఏమిటి?

రాత పరీక్ష ద్వారా అభ్యర్థులను ఎంపిక చేస్తారు. పరీక్ష సీబీటీ విధానంలో ఉంటుంది. పరీక్ష తేదీని ఇంకా ప్రకటించలేదు. CBT పరీక్షకు సంబంధించిన అడ్మిట్ కార్డ్, పరీక్ష తేదీ మొదలైన వాటి గురించిన సమాచారం కంపెనీ త్వరలో విడుదల చేస్తుంది.