Srisailam: శ్రీశైలం ఆలయానికి పోటెత్తిన భక్తులు.. స్వామి దర్శనానికి 4గంటల సమయం

Srisailam: శ్రీశైలం ఆలయానికి భక్తులు రెండవరోజు పోటెత్తారు. క్యూలైన్లు భక్తులతో నిండిపోయాయి. స్వామి వారి ఆలయం భక్తులతో సందడిగా మారింది. వేకువజాము నుంచే భక్తులు అధిక సంఖ్యలో స్వామి వారి దర్శనానికి బారులు తీరారు. స్వామివారి దర్శనానికి సుమారు 4 గంటల సమయం పడుతుంది. క్యూలైన్లలో వేచి ఉండే భక్తులకు అధికారులు అన్ని ఏర్పాట్లు చేశారు. క్యూలైన్లలో ఉచిత సేవకులు పాలు, బిస్కెట్లు, మంచినీరు, పులిహోర ప్రసాదాలను అందిస్తూ భక్తుల సేవలో నిమగ్నమయ్యారు.

ఉదయం నుంచి ఆలయంలో భక్తులు భక్తి శ్రద్ధలతో స్వామిఅమ్మవార్లను దర్శించుకుని మొక్కులు తీర్చుకుంటున్నారు. ఆలయంలో స్వామివారికి రుద్రాభిషేకం, అమ్మవారికి కుంకుమార్చన పూజలు నిర్వహిస్తున్నారు. భక్తులకు ఇబ్బందులు కలుగకుండా అన్ని ఏర్పాట్లు చేశామని ఆలయ ఈవో పెద్దిరాజు తెలిపారు.