Kurnool: కర్నూలు నగరంలో ఏసీబీ అధికారుల దాడి..

Kurnool: కర్నూలు నగరంలో ఏసీబీ అధికారులు దాడులు నిర్వహించారు. అక్రమ ఆస్తులు కలిగి ఉన్నారన్న సమాచారంతో కర్నూలు కో-ఆపరేటివ్‌శాఖ డిప్యూటీ రిజిస్ట్రార్‌గా పనిచేస్తున్న సుజాత ఇంట్లో సోదాలు చేపట్టారు. కృష్ణానగర్‌లోని కో-ఆపరేటివ్‌ బ్రాంచ్‌ నందు డిప్యూటీ రిజిస్ట్రార్‌గా సుజాత విధులు నిర్వహిస్తున్నారు. కర్నూలు సిటీలోని శ్రీరామనగర్‌ నాగులకట్ట సమీపంలోని తన స్వగృహంలో ఏసీబీ అధికారులు తనిఖీలు నిర్వహించారు. 8లక్షల 21వేల నగదుతో పాటు.. 3 వందల గ్రాముల బంగారం స్వాధీనం చేసుకున్నారు. ఏసీబీ డీఎస్పీ శివనారాయణ స్వామి ఆధ్వర్యంలో అధికారుల బృందం సోదాలు నిర్వహించింది.