జుక్కల్‌లోని పిట్లం మండలంలో షర్మిల పాదయాత్ర

YS Sharmila: ఎనిమిదేళ్లుగా సీఎం కేసీఆర్ మోసం చేయని వర్గం లేదని వైఎస్సార్ టీపీ అధ్యక్షురాలు షర్మిల మండిపడ్డారు. 80 రోజులుగా వీఆర్‌ఏలు ఆందోళనలు చేస్తున్నా సీఎం కేసీఆర్ కనీసం పట్టించుకోవడం లేదని విమర్శించారు. కళ్ల ముందు 2 లక్షల ఉద్యోగాలు ఖాళీగా కనిపిస్తున్నా భర్తీ చేయడం లేదని ఆరోపించారు. రాష్ట్రంలోని పలు సమస్యలపై ఆమె చేపట్టిన ప్రజా ప్రస్థానం పాదయాత్ర గురువారం జుక్కల్ నియోజకవర్గం పిట్లం మండలంలో రెండో రోజు కొనసాగింది. ఈ సందర్భంగా షర్మిలకు కార్యకర్తలు, అభిమానులు ఘన స్వాగతం పలికారు.