YS Sharmila: ఢిల్లీలో వైఎస్‌ షర్మిల బిజీ బిజీ.. సోనియాతో భేటీ అయిన షర్మిల

YS Sharmila: వైఎస్సార్ టీపీ అధ్యక్షురాలు వైఎస్ షర్మిల ఢిల్లీలో బిజీ బిజీ గడుపుతున్నారు. సోనియా గాంధీతో ఆమె భేటీ అయ్యారు. తాజా రాజకీయాలతో పాటు కాంగ్రెస్‌లో వైఎస్సార్‌టీపీ విలీనం లేదా పొత్తులపై ఈ భేటీలో చర్చిస్తారనే గుసగుసలు వినిపిస్తున్నాయి. ఇదిలా ఉంటే.. త్వరలో వైఎస్సార్ టీపీని కాంగ్రెస్ లో విలీనం చేస్తారనే ప్రచారం కూడా జోరుగా సాగుతోంది. వచ్చే నెల 16 లేదా 18న షర్మిల కాంగ్రెస్ పార్టీలో చేరవచ్చని పొలిటికల్ సర్కిల్ లో టాక్ నడుస్తోంది. దీంతో.. షర్మిల ఢిల్లీ టూర్ పై రాజకీయ వర్గాల్లో ఆసక్తి నెలకొంది.