Gangula Kamalakar: రాష్ట్రంలో పెట్రోల్, డీజిల్ కొరత లేదు.. ఆ పుకార్లను నమ్మొద్దు..

Gangula Kamalakar: తెలంగాణలో పెట్రోల్, డీజిల్ కొరత లేనేలేదన్నారు మంత్రి గంగుల కమలాకర్. ప్రజలెవరూ పుకార్లను నమ్మొద్దని, భయాందోళనకు గురికావొద్దని ఆయన తెలిపారు. హైదరాబాద్ తో పాటు తెలంగాణ వ్యాప్తంగా పెట్రోల్, డీజిల్ కు గతంలో మాదిరిగానే డిమాండ్ ఉందన్నారు. రాష్ట్రంలోని 3 వేల 520 బంకుల్లో ఫుల్ స్టాక్ ఉందని మంత్రి స్పష్టం చేశారు. ఎక్కడైనా కృత్రిమ కొరత సృష్టిస్తే కఠిన చర్యలు తీసుకుంటామని గంగుల హెచ్చరించారు. ఆయిల్ కంపెనీల ప్రతినిధులు, సివిల్ సప్లయిస్ అధికారులతో మంత్రి గంగుల సమీక్షా సమావేశం నిర్వహించారు.