TS Half Day Schools: తెలంగాణలో మార్చి 15 నుంచి ఒంటిపూట బడులు

TS Half Day Schools: మార్చి నెల ప్రారంభంలోనే ఎండలు మండిపోతున్నాయి. రోజు రోజుకు ఉష్ణోగ్రతలు పెరిగిపోతుండటంతో జనాలు అల్లాడిపోతున్నారు. ఈ క్రమంలోనే.. తెలంగాణ రాష్ట్ర విద్యాశాఖ కీలక నిర్ణయం తీసుకుంది. ఒంటిపూట బడుల నిర్వహణపై కీలక ప్రకటన చేసింది. ఈ నెల 15వ తేదీ నుంచి రాష్ట్రంలో బడులు ఒక్కపూట మాత్రమే ఉంటాయి. రాష్ట్రంలోని ప్రభుత్వ, ఎయిడెడ్‌, ప్రైవేట్‌ పాఠశాలల్లో మార్చి 15వ తేదీ నుంచి ఏప్రిల్‌ 23వ తేదీ వరకు ఒక్కపూట బడులు ఉంటాయి. ఒక్కపూట బడులు ప్రారంభమైన తరువాత ఉదయం 8 గంటల నుంచి మధ్యాహ్నం 12.30 వరకు స్కూల్ ఉండనుంది.