HBD Revanth Birthday: సీఎం హోదాలో రేవంత్ ఫస్ట్ బర్త్ డే.. శుభాకాంక్షల వెల్లువ..

HBD Revanth Birthday: ఇవాళ సీఎం రేవంత్ రెడ్డి పుట్టిన రోజు. తెలంగాణ ముఖ్యమంత్రి అయిన తర్వాత మొదటి సారి పుట్టిన రోజు జరుపుకుంటున్నారు. ఈ సందర్భంగా ఆయనకు సినీ, రాజకీయ ప్రముఖులు శుభాకాంక్షలు చెబుతున్నారు. ప్రధాని మోడీ, ఏపీ సీఎం చంద్రబాబు, డిప్యూటీ సీఎం పవన్ కళ్యాణ్ ట్విట్టర్ వేదికగా రేవంత్ కు బర్త్ డే విషెస్ తెలిపారు.

తెలంగాణ ముఖ్యమంత్రి రేవంత్ రెడ్డికి ప్రధాని మోడీ పుట్టిన రోజు శుభాకాంక్షలు తెలిపారు. రేవంత్ కి ఆయు ఆరోగ్యాలు ప్రసాదించాలని దేవుడ్ని ప్రార్థిస్తున్నట్టు తెలిపారు. ఈ మేరకు ఎక్స్ వేదికగా పోస్ట్ చేశారు. 

తెలంగాణ ముఖ్యమంత్రి రేవంత్ రెడ్డికి ఏపీ సీఎం చంద్రబాబునాయుడు పుట్టిన రోజు శుభాకాంక్షలు తెలిపారు. రేవంత్ కు ఆయుఆరోగ్యాలు ప్రసాదించాలని దేవుడ్ని ప్రార్థిస్తున్నట్టు తెలిపారు. ఈమేరకు ఎక్స్ వేధికగా పోస్టు చేశారు. 

మెగా స్టార్ చిరంజీవి రేవంత్ రెడ్డికి శుభాకాంక్షలు తెలియజేశారు. గౌరవనీయులైన సీఎం గారికి పుట్టిన రోజు శుభాకాంక్షలు. రానున్న ఏడాది మీకు అద్భుతంగా ఉండాలి. ప్రజా సేవలో ఆరోగ్యంగా ఉండాలని కోరుకుంటున్నానన్నారు చిరంజీవి.

ఇక ఖుష్బూ తెలంగాణ ముఖ్యమంత్రి రేవంత్ రెడ్డికి విషెస్ తెలియజేశారు. సీఎం గారికి హృదయపూర్వక జన్మదిన శుభాకాంక్షలు. దేవుడు మీకు ఆరోగ్యం, ఆనందం, విజయాన్ని ఇవ్వాలని ప్రార్థిస్తున్నానంటూ శుభాకాంక్షలు చెప్పారు.

మహారాష్ట్రలో సీఎం రేవంత్ రెడ్డి జన్మదిన వేడుకలను మంత్రి సీతక్క ఘనంగా నిర్వహించారు. అర్ధరాత్రి కేక్ కట్ చేసి హ్యాపీ బర్త్ డే రేవంతన్న అంటూ మంత్రి సీతక్క, ఇతర నేతలు సీఎంకు శుభాకాంక్షలు తెలిపారు. మహారాష్ట్రలో రేవంత్ అన్న బర్త్ డే జరుపుకోవడం ఆనందంగా ఉందన్నారు. మహారాష్ట్ర అసెంబ్లీ ఎన్నికల ప్రచారంలో భాగంగా ఇక్కడ ఉన్నందున రేవంత్ రెడ్డి జన్మదిన వేడుకలు రాష్ట్రంలో నిర్వహించుకోలేకపోతున్నామని క్లారిటీ ఇచ్చారు.

రేవంత్ రెడ్డి నిండు నూరేళ్లు ఆయురారోగ్యాలతో సుఖశాంతులతో ఉండాలని.. శక్తివంతంగా పరిపాలిస్తూ ప్రజా నాకుడిగా ఎదగాలని ఆకాంక్షించారు. ప్రజల గుండెల్లో ఆయన చిరస్థాయిగా నిలిచిపోవాలని దేవుడ్ని ప్రార్థిస్తున్నానని అన్నారు. రేవంత్ రెడ్డి బర్త్ డే సందర్భంగా పలువురు మంత్రులు సైతం ఆయనకు శుభాకాంక్షలు తెలియజేశారు. రేవంత్ రెడ్డి నిండు నూరేళ్లు ఆయురారోగ్యాలతో సుఖశాంతులతో ఉండాలని ఆకాంక్షించారు.

తెలంగాణ రాష్ట్రంలో పేదలు, రైతుల కోసం సంక్షేమ కార్యక్రమాలు అమలు చేస్తూ, అభివృద్ధి కోసం అహర్నిశలు కృషి చేస్తున్న సీఎం రేవంత్ రెడ్డి.. నిండు నూరేళ్లు సంపూర్ణ ఆయురారోగ్యాలతో ఉండాలని కోరుకుంటూ సీఎం రేవంత్ రెడ్డికి జన్మదిన శుభాకాంక్షలు అని తెలంగాణ స్పీకర్ గడ్డం ప్రసాద్ కుమార్ సీఎంకు బర్త్ డే విషెస్ తెలియజేశారు.

తెలంగాణ ముఖ్యమంత్రి రేవంత్ రెడ్డి పుట్టిన రోజు సందర్భంగా పలువురు ప్రముఖులు శుభాకాంక్షలు తెలియజేస్తున్నారు. ఈ క్రమంలో బీఆర్ఎస్ వర్కింగ్ ప్రెసిడెంట్ కేటీఆర్ రేవంత్ కు శుభాకాంక్షలు తెలియజేశారు. అంతటి ఆగకుండా తాను హైదరాబాద్ లోనే ఉన్నానని.. మీ ప్రభుత్వ ఏజెన్సీలు ఎప్పుడైనా రావచ్చంటూ కేటీఆర్ ట్వీట్ చేశారు. విచారణకు వచ్చిన సిబ్బందికి చాయ్, ఉస్మానియా బిస్కెట్లు ఇస్తానని తెలిపారు. వారు కోరితే మీ బర్త్ డే కేక్ కూడా కట్ చేయిస్తానని చెప్పారు.