RGI Airport: శంషాబాద్ ఎయిర్ పోర్టులో పలు విమానాల రద్దు.. ఆందోళనలో ప్రయాణికులు

Shamshabad Airport: శంషాబాద్ ఎయిర్‌పోర్ట్‌లో పలు విమానాలు రద్దు అయ్యాయి. హైదరాబాద్ నుండి పలు ప్రాంతాలకు వెళ్లాల్సిన, రావాల్సిన ఎయిర్ ఇండియా ఎయిర్‌లైన్స్‌కు సంబంధించిన విమానాలను... యాజమాన్యం రద్దు చేసింది. ఆపరేషన్నల్స్ కారణం చూపుతూ విమానాలను చివరి నిమిషంలో క్యాన్సిల్ చేశారు. ముందుగా ప్రయాణికులకు ఎలాంటి సమాచారం అందించకుండానే ఎయిరిండియా యాజమాన్యం రద్దు చేస్తున్నట్లు ప్రకటించింది. దీంతో ప్రయాణికులకు ఆందోళనకు గురయ్యారు

తెల్లవారుజామున శంషాబాద్ ఎయిర్‌పోర్ట్‌కు 40 మంది ప్రయాణికులు చేరుకున్నారు. విమానాలు రద్దు అయ్యాయని ఎయిర్‌లైన్స్ సంస్థ సిబ్బంది ప్రకటించారు. దీంతో సిబ్బందితో ప్రయాణికులు వాగ్వాదానికి దిగారు. చివరి నిమిషంలో క్యాన్సిల్ చేస్తే ఎలా అంటూ నిలదీశారు. తమ సమయం వృధా చేశారని సిబ్బందిపై ప్రయాణికులు ఆగ్రహం వ్యక్తం చేశారు. అయితే ఉన్నట్టుండి లాస్ట్ మినిట్‌లో ఫ్లైట్స్ క్యాన్సిల్ కావడంతో ప్రయాణికులు నిరాశతో వెనుదిరిగారు.