Team India:1058 రోజుల తర్వాత రీఎంట్రీ.. 2వ ఓవర్‌లోనే విధ్వంసం సృష్టించిన టీమిండియా మిస్టరీ స్పిన్నర్..!

IND vs BAN Highlights: 1058 రోజుల తర్వాత టీమిండియాలోకి ఓ భయంకరమైన బౌలర్ తిరిగి వచ్చి ఎవరూ ఊహించనంత విధ్వంసం సృష్టించాడు. అంతర్జాతీయ క్రికెట్‌లోకి తిరిగి వచ్చిన ఈ ఆటగాడు ఇది తన పునర్జన్మ అంటూ పేర్కొన్నాడు. ఈ భయంకరమైన బౌలర్ 7 విధాలుగా బౌలింగ్ చేస్తుంటాడు. ఈ బౌలర్ కెరీర్ ముగిసిందని అంతా భావించారు. కానీ, బీసీసీఐతోపాటు కోచ్ గౌతం గంభీర్ అతనికి హఠాత్తుగా ఊపిరి అందించారు. కోల్‌కతా నైట్ రైడర్స్ తరపున ఆడుతున్న మిస్టీరియస్ స్పిన్నర్ వరుణ్ చక్రవర్తి. మూడు సంవత్సరాల T20 ప్రపంచ కప్ నిరాశపరిచిన తర్వాత 2021లో టీమ్ ఇండియాకు తిరిగి వచ్చాడు. ఆదివారం బంగ్లాదేశ్‌తో జరిగిన తొలి టీ20 మ్యాచ్‌లో వరుణ్ చక్రవర్తి 1058 రోజుల తర్వాత అంతర్జాతీయ క్రికెట్‌లోకి తిరిగి వచ్చాడు.

1058 రోజుల తర్వాత తిరిగి జట్టులోకి..

మొదటి టీ20లో వరుణ్ చక్రవర్తి 31 పరుగులిచ్చి మూడు వికెట్లు తీశాడు. దీంతో బంగ్లాదేశ్‌ జట్టు 127 పరుగులకు ఆలౌట్ అయింది. ఆపై 49 బంతులు మిగిలి ఉండగానే భారత్ విజయం సాధించేలా చేసింది. లెగ్ స్పిన్నర్ వరుణ్ చక్రవర్తి దాదాపు మూడేళ్ల తర్వాత భారత జట్టులోకి తిరిగి రావడం 'పునర్జన్మ' లా ఉందని ఎమోషనల్ అయ్యాడు. తమిళనాడు ప్రీమియర్ లీగ్ (TNPL) చివరి సీజన్‌లో తన ఆత్మవిశ్వాసాన్ని పెంచడంలో తనకు సహాయపడినందుకు అనుభవజ్ఞుడైన స్పిన్నర్ రవిచంద్రన్ అశ్విన్‌కి ధన్యవాదాలు తెలిపాడు. మ్యాచ్ అనంతరం వరుణ్ చక్రవర్తి మాట్లాడుతూ, 'మూడేళ్ల తర్వాత ఈ ప్రదర్శన నాకు ఖచ్చితంగా భావోద్వేగానికి గురిచేసింది. మళ్లీ జట్టులోకి రావడం సంతోషంగా ఉంది. పునర్జన్మలా అనిపిస్తుంది' ఉందని తెలిపాడు.

'ఇది కొత్త జన్మ'..

వరుణ్ బంతులను అర్థం చేసుకోవడంలో విఫలమైన బంగ్లాదేశ్ బ్యాట్స్‌మెన్‌ ఎంతో ఇబ్బంది పెట్టాడు. తన ఏడో టీ20 మ్యాచ్‌ ఆడుతున్న 33 ఏళ్ల స్పిన్నర్, ఈ క్షణాన్ని ఆస్వాదించాలనుకుంటున్నానని, ఎక్కువ దూరం ఆలోచించడం లేదంటూ చెప్పుకొచ్చాడు. వరుణ్ చక్రవర్తి మాట్లాడుతూ, 'నేను వర్తమానంలో జీవించాలనుకుంటున్నాను.  నేను ఎక్కువగా ఆలోచించను. IPL తర్వాత, నేను కొన్ని టోర్నమెంట్లు ఆడాను. వాటిలో ఒకటి TNPL. ఇది చాలా మంచి టోర్నమెంట్' అంటూ చెప్పుకొచ్చాడు.

అశ్విన్‌కి కృతజ్ఞతలు..

టీఎన్‌పీఎల్ సమయంలో భారత ఆఫ్ స్పిన్నర్ అశ్విన్‌తో కలిసి పనిచేయడం తనకు నిజంగా మంచేజరిగిందని, అది తన మనోధైర్యాన్ని పెంచిందని వరుణ్ చక్రవర్తి చెప్పుకొచ్చాడు. వరుణ్ చక్రవర్తి మాట్లాడుతూ, 'ఇది నేను ఎక్కువగా పనిచేసే ప్రదేశం (TNPL), యాష్ (అశ్విన్) సోదరుడు కూడా. మేం ఛాంపియన్‌షిప్ గెలిచాం. ఇది నాకు ఆత్మవిశ్వాసాన్ని ఇచ్చింది. ఈ సిరీస్‌కి ఇది నాకు మంచి ప్రిపరేషన్‌ అంటూ తెలిపాడు.