వ‌న్డే క్రికెట్‌కు గుడ్ బై చెప్పిన‌ ఇంగ్లండ్ స్టార్ బెన్‌ స్టోక్స్

Ben Stokes Retirement: ఇంగ్లండ్ టెస్టు జ‌ట్టు కెప్టెన్‌, ఆల్ రౌండ‌ర్ బెంజిమిన్ ఆండ్రూ స్టోక్స్ అలియాస్ బెన్ స్టోక్స్ వ‌న్డే క్రికెట్‌కు వీడ్కోలు ప‌లికాడు. ఈ మేర‌కు సోమ‌వారం సాయంత్రం అత‌డు ఓ ప్ర‌క‌ట‌న‌ను విడుద‌ల చేశాడు. దక్షిణాప్రికాతో దుర్హాంలో మంగళవారం జరిగే వన్డే మ్యాచ్‌ తన చివరిదని ట్విటర్‌ వేదికగా పేర్కొన్నాడు.

''ఇది చాలా కఠినమైన నిర్ణయం. నా సహచరులతో ఆడిన ప్రతి క్షణాన్ని ఆస్వాదించా. కానీ ఈ ఫార్మాట్‌లో నా వందశాతం ఇవ్వలేకపోతున్నాననేది వాస్తవం. దానికన్నా ఈ ఫార్మాట్‌కు వీడ్కోలు పలకడమే మంచిదని అనిపించింది. ఆటగాడి నుంచి వందశాతం కన్నా ప్రదర్శన ఏమాత్రం తగ్గినా వాళ్లు ఇంగ్లండ్ జట్టు జెర్సీకి అర్హులు కాదు'' అని స్టోక్స్ ట్విట్టర్‌లో వెల్లడించాడు.