Viral Video: చెరువులో రంగు రంగుల చేప.. పట్టుకుందామని చూడగా ఒక్కసారిగా షాక్‌

Viral Video: సోషల్‌ మీడియాలో నిత్యం రకరకాల వీడియోలు వైరల్‌ అవుతున్నాయి. వీటిలో కొన్ని విజ్ఞానాన్ని పెంచేవి ఉంటే మరికొన్ని ఫన్నీ వీడియోలు ఉన్నాయి. తాజాగా ఇలాంటి ఓ ఫన్నీ వీడియో నెట్టింట తెగ ట్రెండ్‌ అవుతోంది. ఈ వీడియో చూసిన నెటిజన్లు తెగ నవ్వుకుంటున్నారు. ఇంతకీ అంతలా ఆ వీడియోలో ఏముంది.? అసలు కథ ఏంటో తెలియాలంటే ఈ స్టోరీలోకి వెళ్లాల్సిందే.

చెరువులో తిరుగుతోన్న చేపలను చూస్తుంటే భలే అనిపిస్తాయి. అందులోనూ రంగురంగుల చేపలను చూస్తే ఎగ్జైట్‌ కావడం ఖాయం. ఓ యువకుడికి చెరువులో అలాంటి చేపనే కనిపించింది. దీంతో ఎలాగైనా సరే ఆ చేపను పట్టుకోవాలని ఫిక్స్‌ అయ్యాడు. అక్కడే ఉన్న మరో వ్యక్తిని దానిని వీడియో తీయమని కోరాడు. చేప కదలకుండా ఉండే ఉద్దేశంతో నెమ్మదిగా చప్పుడు చేయకుండా చేతిని చేప వరకు తీసుకెళ్లాడు.

ఒక్కసారిగా అమాంతం ఆ చేపు చేత్తో పట్టేసుకున్నాడు. ఎంచక్కా వెరైటీ చేప దొరికిందని సంబరపడ్డాడు. అయితే అంతలోనే చేయి తెరిచి చూడగా అసలు విషయం తెలిసింది. అసలు విషయం ఏంటంటే ఆ చేపలో ఉంది అసలు చేపనే కాదు. ప్లాస్టిక్‌ పేపర్‌లో ఉన్న ఓ చేప బొమ్మ. దీంతో ఆగ్రహంతో ఆ పేపర్‌ను నీటిలోకి విసిరేశాడు. ఈ వీడియోను సోషల్‌ మీడియాలో పోస్ట్‌ చేయగా ఓ రేంజ్‌లో వైరల్‌ అవుతోంది.

కంటికి కనిపించేది అంతా నిజం కాదని చెప్పేందుకు బెస్ట్‌ ఉదాహరణగా నిలుస్తోందీ వీడియో. ఇక ఈ వీడియోను ఇప్పటి వరకు సుమారు 3.58 లక్షల మంది చూడగా ఏకంగా 10 వేల వరకు లైక్‌లు వచ్చాయి. దీంతో ఈ వీడియో చూసిన నెటిజన్లు రకరకాలుగా స్పందిస్తున్నారు. ఏదో అనుకుంటో ఇంకోదో జరిగిందని పాట పాడుకోవాల్సిన పరిస్థితి వచ్చిందంటూ ఫన్నీ కామెంట్స్‌ చేస్తున్నారు. మొత్తం మీద ఇప్పుడీ వీడియో నెట్టింట తెగ ట్రెండ్‌ అవుతోంది.