Viral Video: ఏంటన్నా అది బైక్‌ అనుకున్నావా.. కార్‌ అనుకున్నావా? వైరల్‌ వీడియో..

Viral Video: సోషల్‌ మీడియా అందుబాటులోకి వచ్చిన తర్వాత ప్రపంచంలో ఎక్కడ ఏం జరిగినా క్షణాల్లో అరచేతిలో ప్రత్యక్షమవుతున్నాయి. ఎన్నో ఆసక్తికరమైన విషయాలు తెలిసిపోతున్నాయి. ఇక వైరల్‌ వీడియోలకు అయితే కొదవే లేదని చెప్పాలి. ప్రతీ రోజూ రకరకాల వీడియోలు సోషల్‌ మీడియా వేదికగా చక్కర్లు కొడుతున్నాయి.

తాజాగా అలాంటి ఓ వీడియో నెటిజన్లను కడుపుబ్బ నవ్వుకునేలా చేస్తోంది. వివరాల్లోకి వెళితే.. ఓ వ్యక్తి తన కుటుంబ సభ్యులతో పల్సర్‌ బైక్‌పై వెళ్తున్నాడు. అదే సమయంలో రోడ్డుపై ఓ పోలీస్‌ ఆఫీసర్‌ బైక్‌ నడిపిస్తున్న వ్యక్తిని అడ్డుకున్నాడు. ఆ సమయంలో బైక్‌పై ఉన్న మనుషులను చూసి పోలీస్‌ ఒక్కసారిగా షాక్‌కి గురయ్యాడు. ఇద్దరు వ్యక్తులు వెళ్లాల్సిన బైక్‌పై ఏకంగా 8 మంది కూర్చున్నారు.

ముందు ట్యాంక్‌పై ముగ్గురు చిన్నారులు. బైక్‌ నడిపిస్తున్న వ్యక్తి భార్యతో పాటు వెనకాల మరో ముగ్గురు చిన్నారులు ఇలా మొత్తం 8 మంది వెళ్తున్నారు. కేవలం మనుషులే కాకుండా కొన్ని బ్యాగులు, కర్రలను సైతం పెట్టుకొని వెళ్తున్నాడు. బండిని ఆపిన పోలీస్‌ ఆఫీసర్‌ బండిపై ఉన్న వారిని కౌంట్‌ చేసి షాక్‌ అయ్యాడు. దీనంతంటినీ అక్కడే ఉన్న వ్యక్తి రికార్డ్ చేసి సోషల్‌ మీడియాలో పోస్ట్‌ చేయగా ప్రస్తుతం ఈ వీడియో నెట్టింట తెగ వైరల్‌ అవుతోంది. ఈ వీడియో చూసిన నెటిజన్లు రకరకాలుగా కామెంట్స్‌ చేస్తున్నారు. ఆ బండి నడిపిస్తున్న వ్యక్తికి హ్యాట్సాఫ్‌ చెప్పాల్సిందే అంటూ కామెంట్స్‌ చేస్తుండగా. మరికొందరు ఏంటన్న బైక్‌ను కారుగా మార్చేశావు అంటూ కామెంట్స్‌ చేస్తున్నారు. ఈ సంఘటన ఉత్తరప్రదేశ్‌లో జరిగినట్లు తెలుస్తోంది.