Viral Video: చూడ్డానికి రైలులా ఉంది కదూ.. ఏంటో తెలిస్తే షాక్‌ అవ్వాల్సిందే
Viral Video: ఈ రైలు గోడ స్థానికులను విశేషంగా ఆకట్టుకుంటోంది. ఇంటి ముందు సెల్ఫీలు దిగుతూ సందడి చేస్తున్నారు.
Viral Video: చూడ్డానికి రైలులా ఉంది కదూ.. ఏంటో తెలిస్తే షాక్‌ అవ్వాల్సిందే
సొంతింటి నిర్మాణం మనలో ప్రతీ ఒక్కరికి ఒక కల. చిన్నదో పెద్దదో సొంతింటిని కలిగి ఉండాలని చాలా మంది కోరుకుంటారు. జీవితంలో పెళ్లికి ఎంత ప్రాధాన్యత ఉంటుందో. ఇంటికి కూడా ప్రాధాన్యత ఇస్తారు. అందుకే పెళ్లి చేసి చూడు, ఇల్లు కట్టి చూడు అంటుంటారు. అయితే కలల ఇంటిని నిర్మించుకునే క్రమంలో ఒక్కొక్కరు ఒక్కో స్టైల్‌ను ఫాలో అవుతుంటారు. తమ డ్రీమ్‌ హౌజ్‌ను అభిరుచికి అనుగుణంగా నిర్మించుకుంటారు.
ఇంటి నిర్మాణంలో తమ ఇష్టాలు ప్రతిబింబించేలా చూసుకుంటారు. ఈ క్రమంలో కొందరు ఇంటిపై విమానం ఏర్పాటు చేసుకుంటే మరికొందరు రాకెట్ లాంటి నిర్మాణాలు చేపడుతుంటారు. ఇలాంటి వాటికి సంబంధించి ఇప్పటి వరకు మనం చాలానే వీడియోలు చూసి ఉంటాం. అయితే తాజాగా నెట్టింట వైరల్ అవుతోన్న ఈ వీడియో చూస్తే మాత్రం అవాక్కవ్వాల్సిందే. ఓ వ్యక్తి తన ఇంటి కంపౌండ్ గోడను అచ్చంగ రైలులా నిర్మించుకున్నాడు. ముందు ఇంజన్‌.. బోగీలతో కనిపించే విధంగా గోడను నిర్మంచారు.
ఈ రైలు గోడ స్థానికులను విశేషంగా ఆకట్టుకుంటోంది. ఇంటి ముందు సెల్ఫీలు దిగుతూ సందడి చేస్తున్నారు. ఇదిలా ఉంటే తాజాగా ఈ గోడకు సంబంధించిన వీడియో సోషల్‌ మీడియాలో వైరల్ అవుతోంది. ఈ వీడియో చూసిన కొందరు నెటిజన్లు ఫన్నీగా కామెంట్స్‌ చేస్తున్నారు. ఆ ఇంటి యమజాని కచ్చితంగా రైల్వే ఉద్యోగి అయ్యుండాలని కొందరు, ఇంట్లోకి వెళ్లాలంటే టికెట్ తీసుకోవాలా.? అంటూ మరికొందరు కామెంట్స్‌ చేస్తున్నారు. ఏది ఏమైనా ప్రస్తుతం ఈ గోడకు సంబంధించిన వీడియో తెగ ట్రెండ్‌ అవుతోంది.