Amit Shah: రాహుల్ గాంధీ రాజ్యాంగాన్ని, అంబేద్కర్‌ను అవమానించారన్న అమిత్ షా

Amit Shah Rebukes Rahul Gandhi: కాంగ్రెస్ అగ్రనేత రాహుల్ గాంధీపై కేంద్ర హోంశాఖ మంత్రి అమిత్ షా కీలక వ్యాఖ్యలు చేశారు. రాహుల్ గాంధీ ఫేక్ రాజ్యాంగం కాపీనీ చూపించి ఆయన రాజ్యాంగాన్ని కించపరిచారని అమిత్ షా అన్నారు. రాజ్యాంగం అనేది విశ్వాసాలు, నమ్మకాలతో కూడింది. అంత విలువైన రాజ్యాంగానికి సంబంధించిన ఫేక్ కాపీని చూపించడం అంటే అది రాసిన డా బిఆర్ అంబేద్కర్ ను అవమానించడమే అవుతుందన్నారు.

కాంగ్రెస్ పార్టీ ఓబీసీలు, గిరిజనులు, దళితుల నుండి రిజర్వేషన్ కోటా లాక్కుని మైనారిటీలకు ఇవ్వాలని చూస్తోందని అమిత్ షా వ్యాఖ్యానించారు. కాంగ్రెస్ పార్టీ ఓబీసీలకు రిజర్వేషన్ వ్యతిరేకిస్తూ మైనారిటీలకు రిజర్వేషన్ ఇవ్వాలని భావిస్తోంది. కానీ మోదీ నాయకత్వంలో పనిచేసినంత కాలం మతపరమైన రిజర్వేషన్లు ఇవ్వడానికి బీజేపి అనుమతించదు అని ఆయన స్పష్టంచేశారు. జార్ఖండ్ అసెంబ్లీ ఎన్నికల ప్రచారంలో భాగంగా పలంలో జరిగిన బీజేపి ఎన్నికల ర్యాలీలో పాల్గొని మాట్లాడుతూ అమిత్ షా ఈ వ్యాఖ్యలు చేశారు.