సొంత కూతురు సినిమాని చిరంజీవి ఎందుకు సపోర్ట్ చేయడం లేదు?

Chiranjeevi: ఆచార్య మరియు గాడ్ ఫాదర్ సినిమాలతో పెద్దగా మెప్పించలేకపోయిన మెగాస్టార్ చిరంజీవి తాజాగా ఈ మధ్యనే వాల్తేరు వీర సినిమాతో ప్రేక్షకుల ముందుకి వచ్చారు కేఎస్ రవీంద్ర అలియాస్ బాబి దర్శకత్వం వహించిన ఈ సినిమా సంక్రాంతి సందర్భంగా థియేటర్లలో విడుదలై బాక్స్ ఆఫీస్ వద్ద మంచి విజయాన్ని సాధించింది. సంక్రాంతి బరిలో పోటీపడిన నాలుగు సినిమాలలో ఈ సినిమా విజేతగా నిలిచి అందరి దృష్టిని ఆకర్షించింది. బాక్స్ ఆఫీస్ వద్ద రెండు వందల కోట్లకు పైగా కలెక్షన్లు అందుకుని చిరంజీవి సత్తాని మరొకసారి నిరూపించింది ఈ సినిమా.

అయితే గత కొంతకాలంగా చిరంజీవి తనకి కథ చెప్పడానికి వచ్చిన కొంతమంది దర్శకులని చరణ్ కోసం కథలు సిద్ధం చేయమని అడుగుతున్నారని ఈ వార్తలు వినిపిస్తున్న సంగతి తెలిసిందే. మరోవైపు చిరంజీవి పెద్ద కుమార్తె సుస్మిత కొణిదెలా కూడా చిరంజీవి సినిమాల విషయంలో సలహాలు సూచనలు ఇస్తూ ఉంటారు. ఈ మధ్యనే సుష్మిత గోల్డ్ బాక్స్ ఎంటర్టైన్మెంట్ అనే పేరుతో ఒక నిర్మాణ సంస్థను కూడా ప్రారంభించారు. ప్రకాష్ రాజ్ మరియు శ్రీకాంత్ లతో "షూట్ అవుట్ ఎట్ ఆలేర్" అనే వెబ్ సిరీస్ ను కూడా నిర్మించారు.

తాజాగా రాజేంద్రప్రసాద్ ప్రధాన పాత్రలో నటించిన "సేనాపతి" ని కూడా డైరెక్ట్ గా ఓటీటీ లలోనే విడుదల చేశారు. మంచి రెస్పాన్స్ వచ్చినప్పటికీ ఈ రెండు ప్రాజెక్టులు సుష్మిత కి పెద్ద చెప్పుకోదగ్గ గుర్తింపు మాత్రం లభించలేదు. ప్రస్తుతం సుష్మిత సంతోష్ శోభన్ హీరోగా "శ్రీదేవి శోభన్ బాబు" అనే సినిమాను నిర్మించారు. ప్రశాంత్ కుమార్ దర్శకత్వంలో "96" ఫేమ్ గౌరీ కృష్ణ హీరోయిన్ గా నటించిన ఈ సినిమా ఫిబ్రవరి 18న విడుదల చేస్తున్నారు. కానీ ఈ సినిమాకి చిరు ఎలాంటి సపోర్ట్ చేయడం లేదు. చిన్న సినిమాలకు ఎప్పుడు సపోర్ట్ ఇచ్చే చిరు సుష్మిత సినిమా మీద మాత్రం పెద్దగా ఆసక్తిని చూపించడం లేదని కామెంట్ లు వినిపిస్తున్నాయి.