Orey Bujjiga Trailer : 'ఓరేయ్‌ బుజ్జిగా' ట్రైలర్‌ వచ్చేసింది!

Orey Bujjiga Trailer : రాజ్‌ తరుణ్ హీరోగా తెరకెక్కిన తాజా చిత్రం 'ఓరేయ్‌ బుజ్జిగా'.. రాజ్ తరుణ్ సరసన మాళవిక నాయర్‌ హీరోయిన్ గా నటించగా, హెబ్బాపటేల్‌ కీలకపాత్రలో నటించింది.. ఈ సినిమాకి గుండెజారి గల్లంతయిందే ఫేం విజయ్‌ కుమార్‌ కొండా దర్శకత్వం వహించగా, కేకే రాధామోహన్‌ సినిమాని నిర్మించారు. అనుబ్ రూబెన్స్ సంగీతం అందించాడు. ఇప్పటికే రిలీజ్ ఐన సాంగ్స్, టీజర్ ప్రేక్షకులను బాగా ఆకట్టుకున్నాయి. అక్టోబర్ 02 న గాంధీ జయంతి సందర్భంగా సినిమా ఓటీటీ వేదికగా రిలీజ్ కానుంది. అయితే సినిమా ప్రమోషన్ లో భాగంగా సినిమాకి సంబంధించిన ట్రైలర్ ని హీరో నాగచైతన్య సోషల్‌మీడియా వేదికగా రిలీజ్ చేశారు.

నిమిషం యాబై అయిదు సెకండ్లు ఉన్న ఈ చిత్ర ట్రైలర్ ప్రేక్షకులను బాగా వీపరితంగా ఆకట్టుకుంటుంది. తనదొక అందమైన, అద్భుతమైన ప్రేమకథ అంటూ రాజ్‌తరుణ్‌ చెప్పే డైలాగ్‌తో మొదలైన చిత్ర ట్రైలర్ ఆద్యంతం కామెడీగానే సాగింది. ఈ ప్రపంచంలోని ప్రతి మగాడు నా ప్రైవసీని డిస్టర్బ్‌ చేసేవాడే. అక్కడ మా బావ, ఇక్కడ వీడు అంటూ మాళవిక చెప్పే సంభాషణలు ఆకట్టుకుంటున్నాయి.. చూస్తుంటే ఈ సినిమాతో మళ్ళీరాజ్ తరుణ్ కం బ్యాక్ అనిపిస్తాడని తెలుస్తోంది.

పోసాని కృష్ణమురళి, నరేష్, సప్తగిరి, అజయ్‌ ఘోష్, రాజా రవీంద్ర, ఈ సినిమాలో నటించారు. ఇక అప్పటి హీరోయిన్ వాణీ విశ్వనాథ్‌ ప్రత్యేక పాత్రలో మెరుస్తుండడం సినిమాకి మరో ప్లస్ కానుంది. గత కొంతకాలంగా రాజ్ తరుణ్ సరైనా హిట్లు లేకా సతమతం అవుతున్నాడు.. దీనితో ఈ సినిమా పైన భారీ అంచనాలు పెట్టుకున్నాడు రాజ్‌ తరుణ్‌. చూడాలి మరి ఈ సినిమా ప్రేక్షకులను ఏ మేరకు ఆకట్టుకుంటుందో..