Pawan Kalyan: ఓజీ ఫస్ట్ సింగిల్ రిలీజ్ అప్పుడే..!

OG First Single: పవర్ స్టార్ పవన్ కళ్యాణ్, డైరెక్టర్ సుజిత్ కాంబోలో తెరకెక్కుతున్న చిత్రం ఓజీ. ఇందులో ప్రియాంక అరుల్ మోహన్ హీరోయిన్‌గా నటిస్తుండగా.. అర్జున్ దాస్, శ్రియా రెడ్డి, ఇమ్రాన్ హష్మీ కీలక పాత్రలు పోషించనున్నారు. డీవీవీ ఎంటర్‌టైన్‌మెంట్ బ్యానర్‌పై డీవీవీ దానయ్య ఈ సినిమాను నిర్మిస్తున్నారు. ఇప్పటికే ఓజీ సినిమా నుంచి విడుదలైన పోస్టర్స్, గ్లింప్స్ పవర్ స్టార్ అభిమానుల్లో అంచనాలను పెంచేసింది. కానీ ఈ మూవీ షూటింగ్ మధ్యలోనే ఆగిపోయింది. పవన్ కళ్యాణ్ రాజకీయాల్లో బిజీగా ఉండడంతో షూటింగ్‌కు గ్యాప్ ఇచ్చారు. అయితే ఈ మూవీ ఎప్పుడెప్పుడు థియేటర్లలోకి వస్తుందా అని పవన్ కళ్యాణ్ ఫ్యాన్స్‌తో పాటు సినీ ప్రియులు వెయిట్ చేస్తున్నారు.

తాజాగా వినిపిస్తున్న అప్‌డేట్ ఏంటంటే... సినిమా నుంచి తొలి సాంగ్‌ను జనవరి 1న విడుదల చేయాలని మూవీ టీమ్ ప్లాన్ చేస్తున్నారని ఇండస్ట్రీలో టాక్ వినిపిస్తోంది. అయితే మొదట ఈ పాటను సెప్టెంబర్ 2న పవన్ కళ్యాణ్ పుట్టిన రోజు సందర్భంగా విడుదల చేయాలని అనుకున్నారు. అయితే తెలుగు రాష్ట్రాల్లో వరదల పరిస్థితి ఉండడంతో వాయిదా వేశారు.

పవన్ కళ్యాణ్ రాజకీయాల్లో బిజీ అయిపోయారు. పాలిటిక్స్‌లో బిజీ అయిపోయినా మూడు సినిమాలను వీలైనంత త్వరగా విడుదల చేసే ఆలోచనలో ఉన్నారు పవన్. మూడు సినిమాల్లో ఉస్తాద్ భగత్ సింగ్ పక్కన పెడితే.. ఓజీ, హర హర వీరమల్లు మాత్రం విడుదలకు పోటీ పడుతున్నాయి. ఈ క్రమంలో సినిమా విడుదల ప్రచారం షూరు చేయడానికి రెండు సినిమాల దర్శకులు నిర్మాతలు రెడీ అవుతున్నారు. ఎందుకంటే వీకెండ్స్‌లో ఈ సినిమా షూటింగ్‌లు జోరుగా సాగుతున్నాయి. హరి హర వీరమల్లు సినిమా సెట్స్‌లో పవన్ ఉన్న సీన్స్ తీస్తుంటే.. ఓజీ సెట్స్‌లో పవన్ లేని సీన్స్ తెరకెక్కిస్తున్నారు. అంతా అనుకున్నట్టు జరిగితే కొత్త ఏడాది తొలి రోజు ఓజీ ప్రచారం షూరు చేస్తారట.

ఈ సినిమాలో పవన్ కళ్యాణ్.. ఓజాస్ గంభీర అనే పాత్రలో కనిపించనున్నారు. పవన్‌ను ఢీకొట్టే పాత్రలో ఇమ్రాన్ కనిపించనున్నాడు. ఈ సినిమాపై అభిమానుల్లో భారీ అంచనాలు ఉన్నాయి. అయితే ఆ అంచనాలను సినిమా అందుకుంటుందో లేదో చూడాలి మరి.