హీరోలు రామ్ చరణ్, ఎన్టీఆర్‌లపై ఓ అభిమాని అద్భుత ఆర్ట్.. 15 వేల టీ కప్పులతో...

Jr NTR - Ram Charan: హీరోలు రామ్ చరణ్, జూనియర్ ఎన్టీఆర్‌లపై ఓ ఆర్టిస్టు తమ అభిమానాన్ని చాటుకున్నాడు. వినూత్న రీతిలో ఆయన చూపిన అభిమానం అందరికీ ఆసక్తి కలిగిస్తుంది. చిత్తూరు గుడుపల్లి మండలం సంగణపల్లి పంచాయతీ పరిధిలోని చిన్నపర్తికుంట గ్రామానికి చెందిన పురుషోత్తం ఓ వినూత్న ప్రయత్నంతో అందరి దృష్టిని ఆకర్షించాడు.

స్వతహాగా ఆర్టిస్ట్ అయిన పురుషోత్తం 15 వేల టీ కప్పులతో ఎన్టీఆర్, రామచరణ్‌ల‌ చిత్రాలు ఏర్పాటు చేసి యూనిట్‌కు ఆల్ ది బెస్ట్ తెలిపాడు. దేశంలో ఈ తరహాలో ప్రదర్శన మునుపెన్నడూ చూడలేదంటున్నారు ఇది చూసిన వారు. ఒకే ఫ్రేమ్‌లో ఒక వైపు రామ్ చరణ్ మరోవైపు ఎన్టీఆర్ కనిపించేలా చిత్రీకరించాడు. ఇది ఇప్పుడు సోషల్ మీడియాలో వైరల్‌గా మారింది.