Amazon: సిద్ధంగా ఉండండి, అమెజాన్ ఆఫ‌ర్ల పండ‌గ వ‌స్తోంది.. ఊహ‌కంద‌ని డిస్కౌంట్స్ తెస్తోంది

Amazon: ఈ కామ‌ర్స్ సంస్థ‌లు వినియోగ‌దారుల‌ను ఆక‌ర్షించే ప‌నిలో ప‌డ్డాయి. మొన్నటి మొన్న అమెజాన్ ప్రైమ్ డే సేల్ పేరుతో సేల్ నిర్వ‌హించ‌గా.. ఫ్లిప్‌కార్ట్ గోట్ పేరుతో సేల్ నిర్వ‌హించిన విష‌యం తెలిసిందే. ఇదిలా ఉంటే తాజాగా అమెజాన్ మ‌రో ఆక‌ర్ష‌ణీయ‌మైన సేల్‌తో వినియోగ‌దారుల‌ను ఆక‌ట్టుకునేందుకు సిద్ధ‌మైంది. ప్రతీ ఏడాదిలాగే ఈ సారి కూడా గ్రేట్ ఫ్రీడ‌మ్ ఫెస్టివ‌ల్ సేల్‌ను ప్రారంభించ‌నుంది.

ఆగ‌స్టు 6వ తేదీ నుంచి ఈ సేల్ ప్రారంభం కానుంది. అయితే ప్రైమ్ యూజ‌ర్లకు ఒక‌రోజు ముందుగానే అంటే.. ఆగ‌స్టు 5వ తేదీ అర్థ‌రాత్రి నుంచే ప్రారంభంకానుంది. ఇత‌ర యూజ‌ర్ల‌కు మ‌ధ్యాహ్నం 12 గంట‌ల నుంచి ప్రారంభ‌మ‌వుతుంది. ఈ సేల్‌లో భాగంగా ఎల‌క్ట్రానిక్ గ్యాడ్జెట్స్ మొద‌లు, గృహోప‌క‌ర‌ణల వ‌ర‌కు అన్ని ర‌కాల వ‌స్తువుల‌పై భారీ డిస్కౌంట్స్‌ను అందించ‌నున్నారు.

గ్రేట్ ఫ్రీడ్ సేల్‌లో భాగంగా స్మార్ట్ టీవీల‌పై ఏకంగా 65 శాతం, స్మార్ట్‌వాచ్‌లపై 80 శాతం, హెడ్‌ఫోన్‌లపై 75 శాతం, టాబ్లెట్‌లపై 60 శాతం, గృహోపకరణాలపై 65 శాతం వరకు డిస్కౌంట్‌ను అందించ‌నున్నారు. వీటితో పాటు ఎస్‌బీఐ బ్యాంక్ కార్డుల‌తో కొనుగోలు చేస్తే 10 శాతం ఇన్‌స్టాంట్ డిస్కౌంట్ అందించ‌నున్నారు. 24 నెల‌ల వ‌ర‌కు నో కాస్ట్ ఈఎమ్ఐ ఆప్ష‌న్‌ను ఆప్ష‌న్ ఇవ్వ‌నున్నారు. దీంతో పాటు రూ. 5 వేల వ‌ర‌కు డిస్కౌంట్ కూప‌న్స్ ఇవ్వ‌నున్నారు. డీల్స్‌కి సంబంధించిన పూర్తి వివ‌రాలు తెలియాలంటే సేల్ ప్రారంభం కావాల్సిందే. ఇక అమెజాన్ సేల్‌లో భాగంగా.. వ‌న్‌ప్ల‌స్ నార్డ్ సీఈ4, వ‌న్‌ప్ల‌స్ నార్డ్ సీఈ4 లైట్ 5జీ, ఐక్యూ జెడ్‌9 లైట్‌తో పాటు ఇత‌ర మోడ‌ల్స్ అందుబాటులోకి రానున్నాయి.