Ukraine: ఉక్రెయిన్‌లో ఘోర హెలికాప్టర్‌ ప్రమాదం.. హోంమంత్రి సహా 18 మంది మృతి

Ukraine: ఉక్రెయిన్‌లో ఓ ప్లే స్కూల్ దగ్గర హెలికాప్టర్​కూలి 18 మంది మరణించారు. డిప్యూటీ హోంమంత్రి​, ఆ శాఖ కార్యదర్శి సహా ముగ్గురు పిల్లలు కూడా చనిపోయిన వారిలో ఉన్నారు. కీవ్ శివార్లలోని బ్రోవరీ ప్రాంతంలో ఓ కిండర్​గార్టెన్​ దగ్గర ఈ ఘటన జరిగింది. ఈ ప్రమాదంలో మంత్రి డెనిస్ , హోంశాఖ సహాయ మంత్రి​ యెవెన్ యెనిన్, హోంమంత్రిత్వ శాఖ కార్యదర్శి యూరి లుబ్కోవిచ్ మృతి చెందారని ఉక్రెయిన్ నేషనల్ పోలీస్ చీఫ్ తెలిపారు. ఇది ప్రమాదవశాత్తు జరిగిందా లేక దీని వెనుక రష్యా హస్తం ఏమైనా ఉందా అనే విషయం తెలియాల్సి ఉందని ఆయన చెప్పారు.