Gold rate: ఈ వారం పైకెగసిన బంగారం ధరలు..భారీగా పెరిగిన వెండి!

బంగారం భారతీయులకు ఎంతో ఇష్టమైన లోహం. బంగారు ఆభరణాలు ధరించడం.. బంగారంతో చేసిన వస్తువులను వాడటం అంటే అమితమైన ఆసక్తి మనకు. పెళ్లిళ్లలో బంగారానికి ఇచ్చే ప్రాధాన్యత చెప్పలేనిది. వధువుకు ఎంత బంగారం పుట్టింటి వారిస్తారు.. ఎంత బంగారం అత్తింటి వారు పెడతారు వంటి లెక్కలు అన్ని పెళ్ళిళ్ళలోనూ ప్రధాన చర్చనీయాంశాలలో ఒకటిగా ఉంటుంది. ఇక బంగారం ఇప్పుడు పెట్టుబడులు పెట్టడానికి మంచి మార్గంగా ఎక్కువ శాతం భావిస్తున్నారు. అటువంటి పసిడికి సంబంధించి ధరలు ఎలా ఉంటున్నాయనేది తెలుసుకోవాలనే ఆసక్తీ చాలా మందిలో ఉంటుంది. ఏదైనా వస్తువు కొనేటప్పుడు ఎంత తగ్గింది.. ఎంత పెరిగింది చూడడం సహజం..పదుల రూపాయల్లో పెరిగినా తరిగినా పెద్దగా ప్రజలు పట్టించుకోరు. కానీ, బంగారం విషయంలో మాత్రం రూపాయి తగ్గినా..రూపాయి పెరిగినా అది పెద్ద విషయంలానే లేక్కేస్తారు.

ఇక బంగారం ధరలు, వెండి ధరలు రోజు రోజూ మారుతూ వస్తుంటాయి. అంతర్జాతీయంగా బంగారం ధరల్లో వచ్చే మార్పులు.. దేశీయంగా ఉండే డిమాండ్ ఆధారంగా ధరల్లో మార్పులు నిత్యం జరుగుతుంటాయి. సోమవారం నుంచి శనివారం వరకూ బంగారం మార్కెట్ ధరలు అటూ ఇటూ మారుతూ వస్తాయి. ఆదివారం ట్రేడింగ్ ఉండదు. కొద్దిపాటి మార్పులతో శనివారం సాయంత్రం ఉన్న ముగింపు ధరకే బంగారం అమ్మకాలు జరుగుతాయి.

ఇక గత సోమవారం(సెప్టెంబర్ 28) నుంచి శనివారం(అక్టోబర్ 03) వరకూ బంగారం ధరల్లో చోటు చేసుకున్న మార్పులు.. చేర్పులపై విశ్లేషణ.

వారం అంతా పైకీ కిందికీ కదిలిన బంగారం!

గత వారంలో (సెప్టెంబర్ 28 నుంచి అక్టోబర్ 03 వరకు) బంగారం ధరలు అటూ ఇటూ కదులుతూనే వచ్చాయి. సోమవారం తగ్గుదల కనబరిచిన బంగారం ధరలు వారం లో ఒక్కరోజు తప్ప మిగిలిన అన్ని రోజులూ పైకి కదిలాయి. దాంతో పెరుగుదల బాటలోనే వారం అంతా పసిడి ధరలు నడిచి వారాంతానికి కూడా పెరుగుదలతో నిలిచాయి. మొత్తమ్మీద చూసుకుంటే గత వారంకంటె ఈ వారాంతానికి బంగారం ధరలు కొద్ది మొత్తంలో పెరిగాయి.

అయితే, గత వారంతంలో పసిడి ధరల కింది చూపులు ఈ వారం కొనసాగలేదు. సెప్టెంబర్ 28 వతేదీ సోమవారం పది గ్రాములకు 110 రూపాయలు తగ్గిన బంగారం ధరలు తరువాతి రోజూ అంటే మంగళవారం (సెప్టెంబర్29) 490 రూపాయలు పైకెగసింది. బుధవారం (సెప్టెంబర్ 30) మరికొంచెం పైకి అంటే పది గ్రాములకు 200 రూపాయలు పెరిగిన బంగారం ధరలు తరువాతి రోజు (అక్టోబర్ 01)న 90 రూపాయలు తగ్గాయి. ఇక అటు తరువాత రోజు(అక్టోబర్ 02) 120 రూపాయలు పెరిగాయి. మళ్ళీ శనివారం బంగారం ధరలు మళ్ళీ కిందకు దిగి వచ్చాయి. చివరకు శనివారంఅక్టోబర్ 03న 140 రూపాయల పెరుగుదలతో వారాన్ని ముగించింది పసిడి. వారం మొత్తంగా చూసుకుంటే సోమవారం(సెప్టెంబర్28) 22 కారెట్ల బంగారం పది గ్రాములకు 47,700 రూపాయల వద్ద మార్కెట్లు ప్రారంభం అయ్యాయి. శనివారం(అక్టోబర్ 03) సాయంత్రం 48,500 రూపాయల వద్ద ముగిశాయి. అంటే 800 రూపాయల పెరుగుదల కనబరిచింది. ఇక 24 కారెట్ల బంగారం సోమవారం(సెప్టెంబర్ 28)న పది గ్రాములకు 52,140 రూపాయల వద్ద మార్కెట్లు ప్రారంభం అయ్యాయి. శనివారం (అక్టోబర్ 03) సాయంత్రం 52,900 రూపాయల వద్ద ముగిశాయి. అంటే వారం మొత్తం చూసుకుంటే 24 క్యారెట్ల బంగారం దాదాపు 860 రూపాయల పెరుగుదల కనబరిచింది.

ఇక ప్రస్తుతం శుభకార్యాలకు ముహూర్తాలు లేకపోయినా.. దసరా పండుగ వస్తుండడం.. అంతర్జాతీయంగా ధరలు కూడా పైముఖం పట్టడంతో పసిడి కాస్త పైకి కదిలినట్టు కనిపిస్తోందని విశ్లేషకులు భావిస్తున్నారు.

వెండి ధరలు షాక్!!

ఇక దేశీయంగా వెండి ధరలు ఈవారం భారీగా పైకెగాశాయి. వారం పొడవునా వెండి ధరలు పెరుగుతూనే వచ్చాయి. ఒక్క సోమవారం, గురువారం మాత్రం కాస్త తగ్గుదల నమోదు చేశాయి. . వారం ప్రారంభంలో సోమవారం(సెప్టెంబర్ 28) కేజీ వెండి 61,200 రూపాయల వద్ద ప్రారంభం అయింది. ఆ రోజు కేజే వెండి ధర 1000 రూపాయలు తగ్గింది.... అటు తరువాతి రోజు అంటే మంగళవారం(సెప్టెంబర్ 29) వెండి ధరలు షాకిచ్చాయి. ఏకంగా కేజీకి 2700 రూపాయల పెరుగుదల చూపించాయి. ఇక ఆ మర్నాడు (సెప్టెంబర్30) కూడా కొద్దిగా తక్కువ స్థాయిలో 300 రూపాయలు పెరిగింది. మళ్ళీ అక్టోబర్ 01వతేదీ గురువారం 300 రూపాయలు కిందికి దిగింది. అయితే ఆ మర్నాడు అక్టోబర్ 02న 500 రూపాయలు పెరిగింది. ఇక శనివారం ఎటువంటి మార్పు లేకుండా ఉంది. ఇలా వారం అంతా వెండి ధరలు పెరుగుదల నమోదు చేస్తూ వచ్చాయి. మొత్తమ్మీద వారాంతానికి 58,000 రూపాయల నుంచి 61,200 స్థాయికి వెండి ధరలుపైకేగాశాయి. అంటే ఒక్క వారంలో కేజే వెండి 3200 రూపాయలు పెరిగింది.

ఇక ప్రస్తుతం శుభకార్యాలకు ముహూర్తాలు లేకపోయినా.. దసరా పండుగ వస్తుండడంతొ రానున్న వారంలోనూ బంగారం, వెండి ధరల్లో పెద్దగా మార్పులు చోటు చేసుకోక పోవచ్చనీ.. కొద్దిపాటి పెరుగుదల నమోదు చేసే అవకాశం ఉందనీ మార్కెట్ వర్గాలు విశ్లేషిస్తున్నాయి!